Юхан 1:43 - Мукъаддес Китап

⁴³ Эртеси куню Иса Галилеягъа бармагъа истеди. Филипни тапып, онъа: «Айды, юр меннен!» – деди.

Юхан 1:43 Referans Kwoze

Юхан 14:8

Филип Онъа деди: – Рабби, бизге Бабаны косьтер, бу биз ичюн етерли!

Матта 9:9

Сонъ ёлуны девам эткен Иса салым топлангъан ерде отургъан бир адамны корьди. Онынъ ады Матта эди. Иса онъа: – Меним артымдан юр! – деди. О, шу ань еринден турып, Исанынъ артындан кетти.

Ешая 65:1

Къыдырмагъанлар Мени таптылар, истемегенлерге Озюмни ачыкъ косьтердим. Адымны чагъырмагъан халкъкъа: «Мен Мындам! Мындам!» – дедим.

Юхан 12:21

Олар Галилеянынъ Бетсайда шеэринден олгъан Филипнинъ алдына барып ялвардылар: – Эфенди, биз Исаны корьмеге истеймиз.

1 Юхан 4:19

Биз севемиз, чюнки эвельден О, бизни севди.

Юхан 6:5

Иса бакъып, чокъ халкъ топлашып, Онынъ тарафына келеяткъаныны корьди. О, Филиптен: – Бу адамларны тойдурмакъ ичюн къайдан отьмек сатын алайыкъ? – деп сорады.

Филиплердекилерге 3:12

Мен энди мукяфатны алдым я да макъсаткъа ириштим, демейим. Амма Месих мени тапкъаны киби, мен де, мукяфатны алмакъ ичюн, огге ынтылам.

Юхан 1:28

Бу шейлер Бетания еринде, Иордан озенининъ ялысында олды. Ягъя анда адамларны сувгъа батырып чыкъара эди.

Лука 19:10

– Инсан Огълу гъайып олгъанларны къыдырып тапмакъ ве къуртармакъ ичюн кельди.

Матта 10:3

Филип, Бартоломай, Тома, салым топлайыджы Матта, Алфейнинъ огълу Якъуп ве Фадда,

Юхан 6:7

– Эки юз динаргъа отьмек сатын алсакъ биле, оларнынъ эр бирине бирер парча тиймейджек! – деп джевап берди Филип.

Юхан 1:35

Эртеси куню Ягъя эки шегиртинен берабер кене шу ерде турмакъта эди.

Матта 4:12

‌Иса Ягъянынъ апске алынгъаныны эшитип, Галилеягъа къайтып кельди.

Матта 8:22

Лякин Иса онъа: – Сен Меним артымдан юр. Олюлер озь олюлерини дефн этсинлер, – деди.

Юхан 1:29

Эртеси куню Ягъя Исанынъ якъынлашкъаныны корип, шойле деди: – Мына Алланынъ Къозусы! О, Озюне дюньянынъ гунасыны ала.

Юхан 1:44

Филип Бетсайда шеэринден, Андрей ве Пётр яшагъан еринден эди.

Юхан 2:11

Иса буны Галилеянынъ Кана шеэрчигинде япты; бу шей Онынъ аджайип бельгилерининъ башы олды. Бойле этип, Иса Озь шуретини косьтерди, ве шегиртлери Онъа иман эттилер.

Юхан 1:37

Эки шегирт Ягъянынъ бу сёзлерини эшитип, Исанынъ артындан кеттилер.