Юхан 1:16 - Мукъаддес Китап

¹⁶ Онынъ ачыкъ къоллулыгъындан биз эпимиз яхшы бахшышлар бир-бири артындан алдыкъ.

Юхан 1:16 Referans Kwoze

Колоссайлыларгъа 1:19

Алла бутюн толулыкънынъ Онда булунаджагъыны истеди.

Римлилерге 5:2

Онынъ ярдымынен бизге иманымыз ичюн Алланынъ эйилигини алмагъа чареси ачылды. Шимди биз артыкъ онен яшаймыз ве Алланынъ шуретине къошулмакъ ишанчынен макътанамыз.

Эфеслилерге 3:19

ве Месихнинъ акъылдан устюн олгъан севгисини биледжексиз, ве сизинъ яшайышынъыз Алланен толаджакъ.

Эфеслилерге 1:23

Иманлылар джемиети исе – Месихнинъ бедени, эписини эписинде Толдургъаннынъ толулыгъыдыр.

Римлилерге 5:17

Бир адамнынъ гунасы ичюн олюм дюньягъа кирип, падишалыкъ этип башлагъан олса да, эйиликнинъ боллугъыны ве инсафлыкъ бахшышыны алгъанлар бир Адам Иса Месихнинъ ярдымынен эбедий омюр алып, падишалыкъ этеджеклер.

Юхан 3:34

Алла ёллагъан адам Алланынъ сёзлерини айта, чюнки Алла Озь Рухуны аджымайып бере.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

Матта 13:12

– Кимде бар олса, онъа даа бериледжек, ве онда арткъач оладжакъ. Кимде ёкъ олса, олгъаны да тутып алынаджакъ.

Колоссайлыларгъа 2:3

Икметнинъ ве бильгининъ бутюн хазинелери тек Онда сакълылар.

Римлилерге 8:9

Сизлер исе беден истеклерине коре дегиль, Алланынъ Рухуна коре яшайсыз, чюнки ичинъизде Алланынъ Руху булуна. Кимде Месихнинъ Руху олмаса, о, Месихнинъ дегиль.

Лука 21:15

Мен сизни ойле бир лафкъа уста ве икметли этерим ки, сизге къаршы чыкъкъанлардан ич бириси къаршынъызгъа турып, ич бир шей айтып оламаз.

Матта 3:14

Ягъя башта Оны токътатмагъа истеп: – Мен озюм Санъа барып сувгъа батырылмакъ керегим. Сен исе манъа кельгенсинъ! – деди.

Матта 3:11

Мен сизни сувгъа батырып темизлейим. Бу – тёвбе бельгисидир. Амма артымдан Келеяткъан менден къудретлидир. Мен Онынъ аякъкъапларыны котерип, пешинден кетмеге биле ляйыкъ дегилим. О сизлерни Мукъаддес Рухнен ве атешнен темизлейджек.

Зекерья 4:7

Эй, буюк дагъ, Зеруббавелнинъ огюнде сен ким оласынъ? Сен – тегиз ерсинъ. Шамата ичинде о, Сарайнынъ темельташыны алып кетиреджек, ве джемаат: «Алла разы олсун! Алла разы олсун!» – деп къычыраджакъ.

1 Пётр 1:11

Олар тешкере эдилер: Месихнинъ азапларыны ве сонъра келеджек шуретини эвельден бильдирген Рух, яни пейгъамберлернинъ ичинде олгъан Месихнинъ Руху, къайсы ве насыл вакъытны косьтермеге истей эди?

Римлилерге 5:20

Къанун чокъ гуналарны косьтермек ичюн пейда олды. Амма гуналар чокълашкъанынен, Алланынъ эйилиги де даа зияде артты;

Зебур 84:7

Халкъынъ Сенден къувансын деп, бизни гъайрыдан джанландырмазсынъмы?