Якъуп 5:8 - Мукъаддес Китап

⁸ Сизлер де сабыр этинъиз, юреклеринъизни кучьлештиринъиз, чюнки Раббининъ келеджеги якъынлаша.

Якъуп 5:8 Referans Kwoze

Якъуп 5:9

Агъа-къардашларым, къабаатлы олмамакъ ичюн, бири-биринъизнинъ устюне шикяет этменъиз. Бакъынъыз, Суд Этиджи къапу огюнде тура.

Галатиядакилерге 5:22

Рухнынъ мейвасы исе – севги, къуванч, тынчлыкъ-аманлыкъ, сабыр, мерамет, яхшылыкъ, ишанч,

Зебур 37:7

Белим букюлип, чёкип къалдым, кунь бою гъам ичип юрем.

1 Пётр 4:7

Эр шейнинъ сонъу якъындыр. Шунынъ ичюн акъыллы олмакъ ве, дува окъумакъ ичюн, айыныкъ олунъыз.

Филиплердекилерге 4:5

Сизинъ алчакъгонъюллигинъиз эписине белли олсун. Рабби якъын.

Сырларнынъ ачылувы 22:20

Бу шейлерни хабер эткен: – Эбет, Мен тезден келеджегим! – дей. Амин! Кель, Рабби Иса!

1 Тессалоникелилерге 3:13

Сонъ О, юреклеринъизни къавийлештиреджек, ве сиз Алла Бабамызнынъ огюнде, Раббимиз Иса Озюнинъ бутюн азизлеринен берабер кельгенде, къабаатсыз ве азиз оладжакъсынъыз. Амин.

Микъа 7:7

Мен исе РАББИден ярдым беклейджегим, Къуртарыджым Аллама умют этеджегим, Аллам да мени эшитеджек.

2 Тессалоникелилерге 3:5

Рабби юреклеринъизни Алланынъ севгисине ве Месихнинъ сабырына догърултсын.

Римлилерге 8:25

Эгер даа корьмеген шейни корьмеге умют этсек, оны сабырнен беклермиз.

1 Тессалоникелилерге 1:10

ве Онынъ олюлерден тирильген Огълунынъ коклерден келеджегини, Алланынъ келеяткъан гъазабындан бизни къуртаргъан Исаны беклемеге башладынъыз.

Хавакъкъукъ 2:3

Руянынъ ерине келеджек вакъты даа кельмеди. О, сонънынъ келеджегини бильдире ве ялан дегиль. Эгер кечикип кельген дайын олса биле, эписи бир бекле, – о, мытлакъа оладжакъ.

Башланув 49:18

РАББИм, Сенинъ къуртарувынъа умют этем!

Ехезкель 7:12

Вакъыт кельди, кунь якъынлашты! Сатын алгъан къуванмасын, саткъан агъламасын. Оларнынъ бутюн сюрюсине гъазап тюшеджек.

Лука 21:19

Сабырлы олсанъыз, озь джанынъызны къуртараджакъсыз, – деди.

Юхан 21:22

Иса онъа: – Эгер Мен кене кельгенимдже, онынъ яшагъаныны истесем, сенинъ ишинъ не? Сен Меним артымдан юре бер, – деди.

1 Тессалоникелилерге 2:19

Раббимиз Иса къайткъан куню Онынъ огюнде олгъанымызда, сиз олмайып, бизим умютимиз, къуванчымыз ве биз макътайджакъ таджымыз ким оладжакъ?

Якъуп 5:3

Алтын ве кумюшлеринъизни тот баскъан. Бу тот сизге къаршы шаатлыкъ этеджек ве беденинъизни, атеш киби, ютаджакъ. Сизлер сонъки куньлерде байлыкъ топладынъыз.