Якъуп 5:20 - Мукъаддес Китап

²⁰ билинъиз ки, гунакярны янълыш ёлундан къайтаргъан онынъ джаныны олюмден къуртарыр ве чокъ гуналарнынъ багъышлангъаныны кетирир.

Якъуп 5:20 Referans Kwoze

1 Пётр 4:8

Эр шейден эвель бири-биринъизни джан-юректен севинъиз, чюнки севги чокъ гуналарны багъышлай.

Икметли сёзлер 10:12

Нефрет къавгъаларны къозгъай, севги исе эписи къабаатларны багъышлай.

1 Тимотейге 4:16

Озюнъе ве огретювинъе эр вакъыт мукъайт ол. Буны япкъанда, озюнъни де, сени динълегенлерни де къуртарырсынъ.

Римлилерге 11:14

Бельки, сойдашларымнынъ куньджюлигини къозгъайджагъым ве олардан базыларыны къуртараджагъым.

Икметли сёзлер 11:30

Инсафлы адамнынъ махсулы – омюр терегидир, икметли адам адамларнынъ юреклерини къазана.

Якъуп 5:19

Агъа-къардашларым, эгер сизлерден биринъиз акъикъат ёлундан урулса ве бир кимсе оны кене акъикъаткъа къайтарса,

Якъуп 1:15

Сонъ истек эп артып, гунагъа алып кетире, япылгъан гуна исе адамны олюмге алып кетире.

1 Коринтлилерге 9:22

Къуветсиз адамларны Аллагъа алып кельмек ичюн, мен къуветсиз олдым. Мумкюн олгъаны къадар базыларны къуртармакъ ичюн, эр кеске эр шей олдым.

Икметли сёзлер 11:4

Гъазап Куню байлыкъ ярдым этмез, инсафлыкъ исе олюмден къуртарыр.

Зебур 32:1

Эй, инсафлылар, РАББИ ичюн къычырып севининъиз! Догъру юреклилерге шукюр сёзлери яраша.

Юхан 5:24

Сизге керчектен догърусыны айтам: Меним сёзлеримни динълеген ве Мени Ёллагъангъа иман эткен адам эбедий аятны ала. О, суд этильмейджек, лякин энди олюмден аяткъа кечкендир.

Икметли сёзлер 10:2

Адалетсиз къазанылгъан байлыкътан файда ёкъ, инсафлыкъ исе олюмден къуртара.

Филимонгъа 1:19

Мен, Павел, буны озь къолумнен язам: мен тёлерим. Лякин сен де озюнъни манъа борджлу олгъанынъны акълынъа кетирмеге керекмей.

Сырларнынъ ачылувы 20:6

Не къадар бахтлы ве азиздир биринджи тирилювде тириледжеклер! Экинджи олюм оларгъа тиймейджек. Олар Алланынъ ве Месихнинъ руханийлери олып, Онен бинъ йыл падишалыкъ этеджеклер.

Икметли сёзлер 17:9

Севги къыдыргъан къабаатны багъышлар, оны кене хатырлагъан исе достуны узакълаштырыр.

1 Коринтлилерге 1:21

Алланынъ истегине коре, дюнья озь акъылынен Оны анълап оламады, ве шунынъ ичюн Алла имангъа кельген адамларны «акъылсыз» хабер ярдымынен къуртармагъа къарар этти.

Якъуп 1:21

Шунынъ ичюн эр бир арамлыкътан ве дюньяда чокълашкъан яманлыкътан вазгечинъиз, Алла юрегинъизге къойгъан Сёзни алчакъгонъюлликнен къабул этинъиз. Бу Сёз джанларынъызны къуртара биле.

Якъуп 5:15

Иманнен окъулгъан дува хастаны тедавийлер, Рабби оны аякъкъа котерир. Эгер хаста гуна япкъан олса, Рабби оны багъышлар.