Якъуп 4:6 - Мукъаддес Китап

⁶ Амма О, бизге даа зияде эйиликни бере. Бойлеликнен, Языда айтылгъан ки, Алла къопайларгъа къаршы чыкъаджакъ, алчакъгонъюллилерге исе эйилик япаджакъ.

Якъуп 4:6 Referans Kwoze

Матта 23:12

Ким озюни юксек тутса, алчакъта оладжакъ. Ким озюни алчакъ тутса, юксельтиледжек.

Икметли сёзлер 3:34

Мыскъылджыларны О, мыскъыллайджакъ, алчакъгонъюллилерге исе эйилик япаджакъ.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

Икметли сёзлер 18:12

Байнынъ малы-мулькю – онынъ пекитильген къалеси, тасавурында юксек дивар киби корюне.

Зебур 138:6

Сени бильмек меним ичюн пек аджайип, юксектир о, акълым етмез онъа.

Икметли сёзлер 29:23

Кибирлилик адамны ашалай, алчакъгонъюлли исе шурет къазаныр.

Икметли сёзлер 22:4

Алчакъгонъюлликнинъ ве РАББИ къоркъусынынъ пешинден зенгинлик, шурет ве яшайыш келир.

Лука 14:11

Эр бир озюни юксельткен адам алчакълатыладжакъ. Озюни алчакълаткъан исе юксельтиледжек.

Ешая 2:17

Адамларнынъ къопайлыгъы ерге тюшеджек, гъурурлы адамлар ашаланаджакъ. О куню тек РАББИ юксек оладжакъ,

Эюп акъкъында китап 22:29

Бирев йыкъылса, сен: «Оны котер!» – деп айтарсынъ, ве О, алчакъгонъюллилерни къуртарыр.

Лука 18:14

Сизге айтам: бу адам, фериседен зияде акъланып, эвине къайтты. Озюни юксельткен эр бир адам алчакъта оладжакъ, озюни алчакъ туткъан исе юксельтиледжек.

Ешая 57:15

Юдже, Юксельген, эбедий Яшагъан, Ады Азиз олгъан дей ки: – Юксек ве мукъаддес ерде яшайым, лякин тёвбе эткенлернен ве алчакъгонъюллилернен олам. Алчакъгонъюллилернинъ рухларыны джанландыраджагъым, тёвбе эткенлернинъ джанларыны тирильтеджегим.

Лука 1:52

Укюмдарларны тахтларындан алып ташлады, алчакъгонъюллилерни исе юксельтти.

Икметли сёзлер 15:33

РАББИ къоркъусы икметке огретир, ве шуретнинъ огюнден алчакъгонъюллик келир.

2 Тарих вакъиалары 33:12

Буюк беля онынъ башына тюшкенде, о, Алласы РАББИге ялварып башлады ве бабаларынынъ Алласы алдында бойнуны ашагъы эгди.

1 Падишалар 2:3

Кибирли лафларны этменъиз, агъзынъыздан къопал сёзлер чыкъмасын. Алла – эр шейни бильген РАББИ, эр бир япкъан шейнинъ къыйметини кесе!

2 Тарих вакъиалары 34:27

“Шу ер ве онынъ сакинлери акъкъында сёзлерни эшиткенде, юрегинъ йымшагъан ве сен Аллагъа боюн эггенинъ ичюн, Меним огюмде бойсунгъанынъ ве урбаларынъны йырткъанынъ ичюн, Меним огюмде агълагъанынъ ичюн, Мен сени эшиттим. Бу – РАББИнинъ сёзюдир.

2 Тарих вакъиалары 32:26

Амма юреги юксельгенде, Хизкия ве Ерусалимде яшагъанлар боюн эгдилер, ве шунынъ ичюн Хизкиянынъ куньлеринде оларнынъ башына гъазап тюшмеди.

Матта 13:12

– Кимде бар олса, онъа даа бериледжек, ве онда арткъач оладжакъ. Кимде ёкъ олса, олгъаны да тутып алынаджакъ.

2 Тарих вакъиалары 33:23

Бабасы Менашше боюн эгди, лякин Амон РАББИнинъ огюнде боюн эгмеди, аксине, Амон озь къабаатларыны чокълаштырды.

Чыкъыш 18:11

Шимди мен билем ки, РАББИ эписи аллалардан буюк; О, бойле шейлер япып, исраиллилерни гъурурлы мысырлыларнынъ аллаларындан къуртарды, – деди.

Ешая 54:7

– Сени аз вакъыткъа къувдым, амма буюк мераметнен кери къабул этеджегим.

Зебур 9:12

Сионда яшагъан РАББИге чалгъы чалынъыз! Халкълар арасында Онынъ ишлерини айтып беринъиз!

2 Тарих вакъиалары 33:19

Онынъ дувасы, онъа къулакъ аскъаны, онынъ бутюн гуналары ве имансыз арекетлери, ве о боюн эггенден эвель ибадет тёпелерини къургъан ве Ашера путуна табынма диреклер ве эйкеллер къойгъан ерлер Хозайнынъ тарих языларында язылгъандыр.

Якъуп 4:10

Раббининъ огюнде алчакъгонъюлли олунъыз, ве О, сизни юксельтир.