Якъуп 1:26 - Мукъаддес Китап

²⁶ Ким озюни диндар сайса, лякин тилини тутып оламаса, о, озь озюни алдата, ве онынъ диндарлыгъы боштыр.

Якъуп 1:26 Referans Kwoze

Эфеслилерге 4:29

Агъзынъыздан ич бир чиркин сёз чыкъмасын. Амма яхшы шейни озь вакътында айтынъыз, динълейиджилерге эйилик берген сёзлерни айтынъыз.

Зебур 141:3

Меним тенимде гонъюль такъаттан кесильгенде, мен баргъан ёлумны Сен биле эдинъ. Мен келеяткъан ёлумда исе олар гизли тузакъ къойдылар.

1 Пётр 3:10

– Ким бахтлы яшамагъа ве яхшы куньлерни корьмеге истесе, тилини яман сёзден сакъласын, агъзыны яландан къорчаласын,

Эфеслилерге 5:4

Булашыкъ, акъылсыз ве ахлякъсыз лаф сизге ярашмаз. Аксине, Аллагъа шукюр этинъиз.

Икметли сёзлер 19:1

Къусурсыз яшагъан фукъаре яланджы акъылсыздан яхшыдыр.

Зебур 34:13

Мен исе, олар хаста олгъанда, чувал урбасыны кийдим, джанымны алчакълатып, аштан вазгечтим, амма меним дувам озь багърыма джевапсыз къайтты.

Икметли сёзлер 10:31

Инсафлы адамнынъ тили икмет айта, яланджы тиль исе кесилир.

Икметли сёзлер 10:19

Чокъ лафнынъ сонъу – гунадыр, акъыл-ферасетли адам исе тилини тута.

Колоссайлыларгъа 4:6

Эр вакъыт мераметнен, ерине келишкен лаф этинъиз, эр бир адамгъа керекли джевапны насыл этип тапмакъны билинъиз.

Якъуп 1:22

Алланынъ Сёзю буюргъан шейлерни беджеринъиз. Оны тек эшиткен, амма беджермеген адамлар озьлерини алдаталар.

Якъуп 1:19

Севимли дин къардашларым, буны акъылынъызда тутунъыз: эр бир адам динълемеге азыр олсун, айтмагъа исе ашыкъмасын, ачувланмагъа да ашыкъмасын.

Икметли сёзлер 16:25

Базы ёл адамгъа догъру деп корюне, амма онынъ сонъу – олюмдир.

Лука 8:18

Шу себептен насыл динълегенинъизге дикъкъат этинъиз. Кимде бар олса, онъа къошулып даа бериледжек. Кимде ёкъ олса, «озюмде бар», деп беллегени биле тартып алынаджакъ.

Галатиядакилерге 6:3

Эгер бир адам, ич бир шейге ярамайып, озюни буюк, деп сайса, о, озь-озюни алдата.

Икметли сёзлер 14:12

Базы ёл адамгъа догъру киби корюне, амма онынъ сонъу – олюмдир.

Къануннынъ текрары 11:16

Сакъынынъыз, юреклеринъиз алданмасын. Четке айланып, башкъа аллаларгъа хызмет этип табынманъыз.

Галатиядакилерге 2:6

Урьметли сайылгъан адамларнынъ акъкъында айткъанда (олар бир вакъытлары ким олса олсун, манъа эп бир, Алла адамларгъа тенъ бакъа), бу урьметли адамлар манъа ич бир шейде акъыл огретмедилер.

Марк 7:7

Манъа бошуна табыналар, инсан эмирлерини берип огретелер.

Ешая 44:20

Тознынъ артындан къувалай, алдангъан юреги оны ёлдан урды. Джаныны къуртарамаз; «Сагъ къолумдаки шей алдав дегильми?» – деп сорамаз.

Икметли сёзлер 21:26

Кунь-куньден истеклеринден джаны яна, инсафлы адам исе аджымайып бере.

1 Коринтлилерге 15:2

ве, эгер меним сёзлеримни бутюнлей тутсанъыз, оларнынъ ярдымынен къуртулыш тапарсыз. Акис алда иманынъыз бошуна олур.

Матта 15:9

Манъа бошуна табыналар, инсан эмирлерини берип огретелер.

Малакий 3:14

Сиз бойле дединъиз: «Аллагъа хызмет этмек бошунадыр. Онынъ къарарларыны беджергенимизден, Ордулар РАББИсининъ огюнде гъамнен агълап юргенимизден не файда?

Ешая 1:13

Манъа файдасыз бахшыш кетирменъиз! Якъылгъан отларынъызнынъ къокъусы Мен ичюн пис; янъы ай ве раатлыкъ куньлерине, байрам топлашувларына даянып оламайым! Ичлеринъиз яманлыкъкъа толу олып, топлашасынъыз.

1 Коринтлилерге 15:15

Бойле алда биз Алла акъкъында ялан айтамыз, чюнки биз: «Алла Месихни тирильтти», – деп шаатлыкъ этип юремиз. Эгер олюлер керчектен де тирильмесе, о вакъыт Алла Месихни де тирильтмеген.

Икметли сёзлер 16:10

Падишанынъ агъзындан чыкъкъан лаф элялдыр, суд эткенде, о янъылмаз!

Икметли сёзлер 15:2

Икметли адамнынъ тили бильги айтар, акъылсызнынъ агъзындан исе тек ахмакълыкъ чыкъар.

Зебур 32:9

О, айтты – айткъаны олды; О, буюрды – эмири беджерильди.

Якъуп 2:20

Эй, акъылсыз адам, ишлерсиз иман файдасыз олгъаныны анъламайсынъмы?

Галатиядакилерге 3:4

Сизлер о къадар чокъ бошуна къыйналдынъызмы? Шу бошуна олмакъ мумкюнми?

Галатиядакилерге 2:9

Шунынънен, иманлылар джемиетининъ диреклери сайылгъан Якъуп, Кифа ве Юхан, манъа берильген эйиликни корип, манъа ве Барнабагъа онъ къолуны узаттылар: биз халкъларгъа барайыкъ, олар исе сюннетли еудийлерге барсынлар, деп келиштилер.

1 Коринтлилерге 3:18

Ич кимсе озь-озюни алдатмасын. Биринъиз бу дюньяда акъыллы олмагъа истесенъиз, акъыллы олмакъ ичюн, акъылсыз олмакъ керексиз.

Эюп акъкъында китап 15:13

Нечюн Аллагъа къаршы чыкъасынъ? Нечюн бойле лафлар айтасынъ?

Эюп акъкъында китап 30:11

Алла яйымнынъ йипини чезгени ве мени ашалагъаны ичюн, козюм огюнде озьлерини йибере бердилер.