Якъуп 1:14 - Мукъаддес Китап

¹⁴ Лякин эр кес озь истеклеринен ёлдан урула, алданып кете.

Якъуп 1:14 Referans Kwoze

Эфеслилерге 4:22

Ялан истеклернинъ ичинде гъайып олаяткъан эски адамнынъ эвельки аятыны бир четке алып къоймакъ керексинъиз,

Матта 15:18

Амма агъыздан чыкъкъан шейлер юректен чыкъалар. Адамны булар арам этелер.

Еудийлерге 3:13

Ич кимсе гунагъа алданмасын, юрегини таш киби этмесин деп, «бугунь» демеге даа мумкюн олгъанда, бири-биринъизге эр кунь акъыл огретинъиз.

Ешая 44:20

Тознынъ артындан къувалай, алдангъан юреги оны ёлдан урды. Джаныны къуртарамаз; «Сагъ къолумдаки шей алдав дегильми?» – деп сорамаз.

Римлилерге 7:13

Сонъ, яхшы бир шей манъа олюмни кетирдими? Мытлакъа ёкъ! Буны гуна япты. Яхшы бир шей ярдымынен манъа олюмни кетирип, гуна озюни ачыкътан косьтерди. Бойле этип, эмирнинъ ярдымынен гуна буюк къувет алды.

Икметли сёзлер 4:23

Эр шейден зияде юрегинъе мукъайт ол, чюнки яшайыш чокъракълары ондандыр.

Матта 5:28

Мен исе сизге айтам: ким бир къадынгъа бозукъ ниетнен бакъса биле, гонълюнде о къадыннен гуна ичине энди баткъан ве садыкълыгъыны бозгъан.

Римлилерге 7:11

Эмирнинъ ярдымынен гуна фырсат тапып, мени алдатты ве эмирнинъ ярдымынен мени ольдюрди.

Эюп акъкъында китап 31:27

юрегим гизлиден алдандымы? Оларгъа къолларымны узатып, оларгъа ибадет эттимми?

Эюп акъкъында китап 31:9

Эгер юрегим бир къадыннынъ артындан кеткен олса, башкъа адамнынъ къапусы янында пусып отургъан олсам,

Матта 15:20

Мына бу шейлер адамны арам эте. Кирли къолларнен аш ашамакъ исе адамны арам этмей.

Башланув 6:5

РАББИ адамларнынъ ер юзюнде яманлыгъы чокъ олгъаныны, оларнынъ эписи тюшюнджелери ве юреклерининъ ынтылувлары эр вакъыт тек яман олгъанларыны корьди.

Башланув 8:21

Къурбанларнынъ мис къокъуларыны алып, РАББИ Озю-Озюне: – Энди адамлар ичюн ер юзюни къаргъамайджагъым. Оларнынъ фикирлери яшлыкътан ярамайлыкъкъа ынтылгъанына бакъмадан, Мен ер юзюнде яшагъанларнынъ эписини бир даа къырмайджагъым, – деди.

Хошеа 13:9

Эй, Исраиль, сен ёкъ оладжакъсынъ. Санъа тек Менден ярдым келир.

Башланув 3:6

Апай бу терекнинъ махсуллары ашкъа ляйыкъ, гузель, козьге яхшы корюнгенини ве бильги ваде бергенини корьди. Махсулны узьди ве ашады. Янында олгъан акъайына да берди. Акъайы да ашады.

2 Падишалар 11:4

Давут озь эльчилерини о къадынны алып кельмеге ёллады. Бат-Шеваны алып кельдилер, ве Давут онен ятты. Сонъра Бат-Шева, озюнинъ арамындан темизленип, эвине къайтты.

Матта 4:1

Сонъ Шейтаннынъ сынавындан кечмек ичюн, Рух Исаны сахрагъа алып барды.

Якъуп 1:13

Сынавгъа огърагъанда, ич кимсе: «Мени Алла ёлдан ура», – демесин. Алланы яманлыкънен ёлдан урмакъ мумкюн дегиль, Алла Озю де ич кимсени ёлдан урмай.

Якъуп 1:15

Сонъ истек эп артып, гунагъа алып кетире, япылгъан гуна исе адамны олюмге алып кетире.