Узеир 4:5 - Мукъаддес Китап

⁵ Фарс падишасы Корешнинъ бутюн куньлеринде, тап Дарьявеш Фарс падишасы олгъан вакъыткъа къадар олар акъыл огреткенлерге къапарлар бердилер ве оларнынъ ишини бозмагъа истедилер.

Узеир 4:5 Referans Kwoze

Нахум 1:11

Ниневе шеэри! Сенден чыкъкъан адам РАББИге къаршы яманлыкъ тюшюнир, ярамай огютлер берер.

Узеир 5:5

Амма оларнынъ Алласынынъ козьлери Ехуданынъ акъсакъалларынен эди, ве Дарьявешке хабер ёлланылып, ондан мектюпнен джевап кельмегендже, оларгъа кимсе кедер этмеди.

Узеир 4:24

Бундан сонъ Ерусалимдеки Алланынъ Сарайында ишлер токътатылды ве Фарс падишасы Дарьявешнинъ падишалыгъынынъ экинджи йылынадже токътап къалды.

2 Тарих вакъиалары 22:4

Бабасынынъ олюминден сонъ, Ахазьягъа Ахавнынъ сою акъыл огреттилер, ве о, Ахавнынъ сою киби, РАББИнинъ огюнде ярамай шейлер япты. Шу оны олюмге алып кетирди.

Узеир 4:4

Бундан сонъ о ердеки халкъ Ехуда халкъыны рухтан тюшюрмеге, къуруджылыкъта кедер этмеге башлады.

Узеир 4:6

Ахашверош падиша олгъанда, онынъ падишалыгъы башлангъанда, олар Ехудада ве Ерусалимде яшагъанларны къабаатлагъан бир мектюп яздылар.

Даниял 10:13

Фарс падишалыгъынынъ башлыгъы 21 кунь манъа къаршы турды. Мен фарслы башлыкъларгъа къаршы бир озюм олгъанда, буюк башлыкълардан олгъан Микъаиль манъа ярдымгъа кельди.