Узеир 4:23 - Мукъаддес Китап

²³ Артахшаста падишанынъ мектюп копиясы Рехумгъа, Шимшай кятипке ве аркъадашларына окъулыр-окъулмаз, олар ашыкъып Ерусалимге ехудалыларгъа кеттилер ве оларнынъ ишини зорлап токътаттылар.

Узеир 4:23 Referans Kwoze

Римлилерге 3:15

Къан тёкмек ичюн олар тез чапалар.

Микъа 2:1

Яманлыкъ япкъанларгъа беля олсун. Олар озь ятакъларында яманлыкъ тюшюне, сабасы кунеш ярыгъында оны беджерелер, буны япмагъа къолларынынъ кучю ете.

Икметли сёзлер 4:16

Яман адамлар яманлыкъ япмагъандже, юкълап оламайлар, биревни ёлдан урмагъандже, оларнынъ козюне юкъу кирмей.

Узеир 4:17

Падиша баш буюрыджы Рехумгъа, Шимшай кятипке, оларнынъ аркъадашларына, Самариеде ве озеннинъ башкъа тарафындаки шеэрлерде яшагъанларгъа шойле джевап къайтарды: «Селям…» ве иляхре.

Узеир 4:7

Артахшастанынъ куньлеринде Бишлам, Митредат, Тавеэл ве башкъа аркъадашлары Фарс падишасы Артахшастагъа мектюп яздылар. Мектюп арамий тилинде язылгъан ве сонъра арамий тилинден терджиме этильген эди.

Узеир 4:22

Мукъайт олунъыз, буны гъайретнен беджеринъиз. Падишаларгъа къаршы зарарлы шейлерни даркъатмагъа не керек?»

Узеир 4:24

Бундан сонъ Ерусалимдеки Алланынъ Сарайында ишлер токътатылды ве Фарс падишасы Дарьявешнинъ падишалыгъынынъ экинджи йылынадже токътап къалды.