Узеир 2:68 - Мукъаддес Китап

⁶⁸ Къоранталарнынъ базы башлыкълары Ерусалимге, РАББИнинъ Сарайына кельгенде, Алланынъ Эвини темелинден тиклемек ичюн озь истегинен бахшышлар кетирдилер.

Узеир 2:68 Referans Kwoze

2 Коринтлилерге 9:7

Эр ким зорланып я да меджбур олып дегиль, юрегинде ниет эткенини берсин. Алла къуванчнен берген адамларны севе.

2 Коринтлилерге 8:3

Олар озь истеклеринен къолларындан кельгени къадар, атта имкянларындан да зияде ярдым эткенлерине мен шаатым.

Чыкъыш 36:3

Олар Мусадан, ишни беджермек ичюн, Мукъаддес Ернинъ эписи кереклерине исраиллилер кетирген бахшышларны алдылар. Исраиллилер озь истегинен даа чокъ бахшышлар Мусагъа эр саба эп кетире эдилер.

Чыкъыш 35:29

Бойлеликнен, эписи юреклери тарткъан исраилли акъайларнен апайлар, Муса ярдымынен РАББИ япмагъа эмир эткен эр бир ишке, озь истегинен даа чокъ бахшышлар РАББИге кетирдилер.

2 Коринтлилерге 8:12

Эгер керчектен ярдым этмеге истесенъиз, бахшышы къабул этильсин деп, эр бир адам озь бахшышыны къолунда олгъанына коре берсин.

Зебур 110:3

РАББИнинъ ишлери – шанлы-шуретлидир, Онынъ адалети – эбедийдир.

Узеир 3:3

Къомшу халкълардан пек къоркъсалар да, къурбан ерини озь эски темелинде къурдылар. Шу ерге РАББИге саба ве акъшам бутюнлей якъыладжакъ къурбанларны кетирмеге башладылар.

2 Тарих вакъиалары 3:1

Сонъ Сулейман Ерусалимде, Мория дагъында РАББИнинъ Сарайыны къурып башлады. Шу ер онынъ бабасына Давуткъа косьтерильген эди. Давут шу ерни евуслы Орнаннынъ ашлыкъ арманында азырлагъан эди.

1 Тарих вакъиалары 22:1

Давут: – Алламыз РАББИнинъ Эви ве Исраильнинъ къурбанларыны бутюнлей якъмакъ ичюн ер мында оладжакъ, – деди.

1 Тарих вакъиалары 21:18

РАББИнинъ мелеги Гъаднен Давуткъа шойле хабер ёллады: – Давут барсын да, РАББИге евуслы Орнаннынъ арманында къурбан ерини къурсун, – деди.

Чыкъыш 25:2

– Исраиль огъулларына айт ки, олар Манъа бахшышлар кетирсинлер. Эр джаны истеген адамдан Манъа бахшышлар алынъыз.

Узеир 2:67

435 девеси, 6 720 эшеги бар эди.

Узеир 2:69

Эр бири алына коре, иш ичюн хазинеге 61 000 алтын пара, 5 000 кесек кумюш ве 100 руханий урбасы багъышладылар.

Чыкъыш 35:21

бу ишке къол тутмагъа юреги тарткъан ве джаны истеген эр ким келип, РАББИге Корюшюв Чадырынынъ эписи кереклеринен берабер ве эписи азиз урбалар ичюн олгъан бахшышларны кетирдилер.

Узеир 9:9

Бизлер къул эдик, амма Алламыз бизни къуллукъта къалдырмады. О, Фарс падишаларыны бизге мераметли яптырды, олар исе бизге джанланмагъа ве Алламызнынъ Сарайыны котермеге, онынъ йыкътырылгъан диварларыны гъайрыдан тиклемеге, Ехудада ве Ерусалимде дивар къорумагъа ёл бердилер.