Титке 3:9 - Мукъаддес Китап

⁹ Лякин акъылсыз давалар, несиль джедвеллери, Къанун акъкъындаки тартышма ве къавгъалардан узакълаш; олар файдасыз ве боштыр.

Титке 3:9 Referans Kwoze

2 Тимотейге 2:14

Бу шейлерни хатырлатып тур, адамларны Раббининъ огюнде тенбиеле, олар сёзлер акъкъында даваларны башламасынлар. Бойле даваларнынъ файдасы ёкъ, олар тек динълейиджилерни ёкъ этелер.

2 Тимотейге 2:23

Ахмакъ ве джаиль давалардан узакълаш. Олар тек къавгъагъа себеп олгъаныны билесинъ.

1 Тимотейге 4:7

Алласыз масаллардан ве къартларнынъ эмиш-демишлеринден юзь чевир, Алла истеген ишлерни япмагъа азырлан.

2 Тимотейге 2:16

Бош, алласыз лафлардан узакълаш. Бу лафларгъа берильгенлер баргъан сайын алласыз олалар.

Титке 1:14

олар еудийлернинъ масалларына ве акъикъаттан юзь чевирген адамларнынъ буюргъанларына къулакъ асмасынлар.

Эюп акъкъында китап 15:3

Файдасыз лафларнен, къуветсиз сёзлернен озь ишини къорчалармы?

1 Коринтлилерге 8:1

Шимди путларгъа багъышлангъан ашлар акъкъында лаф этейик. Бизим эпимизде бильгимиз бар, амма бильги адамны къопай эте, севги исе къавийлештире.

1 Коринтлилерге 13:2

Эгер пейгъамберлик япмагъа къабилиетим олса, эр бир сырны ве эр бир шейни бильсем, я да иманнен дагъларны кочюрип олсам, амма севмеге бильмесем, мен ич бир шей дегилим.

Якъуп 4:1

Аранъыздаки къавгъа ве давалар къайдан чыкъа? Беденинъизде дженк эткен истеклеринъизден дегильми?