Титке 3:15 - Мукъаддес Китап

¹⁵ Меним янымда олгъанларнынъ эписи санъа селям ёллайлар. Бизни севген иманлыларгъа селям эт. Эйилик эпинъизнен олсун!

Титке 3:15 Referans Kwoze

Еудийлерге 13:25

Эпинъизнен Алланынъ эйилиги олсун!

1 Тимотейге 1:5

Огретювимизнинъ ниети – саф юрек, яхшы видждан, акъикъий иман ве олардан кельген севгидир.

Колоссайлыларгъа 4:18

Мен, Павел, бу селямны озь къолумнен язам. Зиндан зынджырларымны акъылда тутунъыз. Алланынъ эйилиги сизлернен олсун!

Галатиядакилерге 5:6

Иса Месихте не сюннетнинъ, не сюннетсизликнинъ файдасы ёкъ, тек севгиде озюни косьтерген иманнынъ файдасы бар.

3 Юхан 1:1

Акъсакъал – Акъикъатен меним севимли достум Гайгъа:

Филимонгъа 1:5

чюнки Рабби Исагъа олгъан иманынъ ве эписи азизлерге олгъан севгинъ акъкъында эшитип турам.

2 Тимотейге 4:22

Рабби сенинъ рухунънен бирликте олсун! Эйилик сизнен олсун!

1 Тимотейге 1:2

Тимотейге, иманда акъикъий огълума: Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

1 Коринтлилерге 16:23

Рабби Исанынъ эйилиги сизлернен олсун!

Матта 5:47

Эгер сиз тек дин къардашларынъызгъа селям берсенъиз, бунен буюк иш яптынъызмы? Аллагъа инанмагъанлар да бойле япмайлармы?

Фаалиет 20:34

Озюме ве янымда олгъанларгъа керек шейлерни бермек ичюн бу къолларым хызмет эткенини озьлеринъиз яхшы билесинъиз.