Титке 1:7 - Мукъаддес Китап

⁷ Бакъыджы къабаатсыз олсун, чюнки о, иманлылар джемиети олгъан Алланынъ Эвинде башында булуна. О, инат, тез ачувлангъан, ичкиджи, къызматабан ве арам акъчагъа тоймагъан адам олмасын.

Титке 1:7 Referans Kwoze

2 Пётр 2:10

Айрыджа, озь беденининъ пис истеклерине берилип, акимиетке сайгъы косьтермеген адамларгъа джеза оладжакъ. Олар къопай ве къыйыштыр, коктеки кучьлерни яманламакътан да къоркъмайлар.

Эфеслилерге 5:18

Сархош олгъандже шарап ичменъиз; шу, бозукълыкъкъа алып бара. Аксине, Мукъаддес Рухкъа толунъыз,

1 Пётр 5:2

сизлерге берильген Алланынъ сюрюсини яхшы бакъынъыз. Бу ишни меджбурий дегиль, Алла бегенген киби, озь истегинъизнен япынъыз. Озь файдасы ичюн дегиль, акъикъий истекнен япынъыз.

1 Пётр 4:10

Алла сизлерге эр тюрлю къабилиетлерни багъышлады. Эр биринъиз оларны ишлетип, Алла эйилигининъ яхшы хызметчилери киби бири-биринъизге хызмет этинъиз.

Лука 12:42

Иса джевап берип: – Ишанчлы ве акъыллы эв идареджиси ким? Эфендиси оны эв къуллары устюнде башлыкъ этмеге ве керек вакътында оларнынъ аш пайларыны бермеге къойса

Ехезкель 44:21

Ички азбаргъа кирмезден эвель, ич бир руханий шарап ичмесин.

Ешая 28:7

Булар да шараптан тентир-ментир юрелер, ичкиджиликтен ёлларыны шашыралар, руханийлернен пейгъамберлер сюрюнелер. Шарапкъа берилип, ичкиджиликтен акъылларыны ашадылар, руяларында янъылалар, тарифлеринде абыналар.

Икметли сёзлер 14:17

Тез ачувлангъан адам ахмакълыкъ япмакъ мумкюн, лякин яман ниетлери олгъан адамдан эр кес нефрет эте.

Икметли сёзлер 15:18

Тез ачувлангъан адам ара бозар, сабырлы исе къавгъаны ятыштырыр.

Титке 2:3

Къарт апайлар Алланы урьмет этип яшасын, башкъаларны яманламасын, чокъ шарап ичмекнинъ къулу олмасын, яхшы ишлер япмагъа огретсинлер.

Титке 1:5

Мен сени Крит адасында къалдырдым, чюнки санъа буюргъаныма коре, къалгъан ишлерни битиреджегинъни ве эр бир шеэрде акъсакъалларны тайин этеджегинъни истедим.

Филиплердекилерге 1:1

Павел ве Тимотей, Иса Месихнинъ къуллары, – Филиплер шеэриндеки Иса Месихте олгъан Алланынъ эписи азизлерине, иманлылар джемиетининъ башлыкъларына ве хызметчилерине:

Матта 24:45

Ишанчлы ве акъыллы къул ким? Эфендиси оны эв къуллары устюнде башлыкъ этип, оларгъа керек вакътында ашларыны бермеге къойды.

Джемаат башы 7:9

Рухунъ къызма табан олмасын, чюнки гъазап ахмакънынъ юрегинде яшай.

Икметли сёзлер 16:32

Чокъ сабырлы адам – къарамандан яхшыдыр, озюни туткъан адам – шеэрни басып алгъандан хайырлыдыр.

Левийлилер 10:9

– Сен ве огъулларынъ Корюшюв Чадырына киргенинъизде, шарап ве башкъа насылдыр ичкилер ичменъиз. Ёкъса, сиз олерсинъиз. Несиллеринъизге бу эбедий низамнаме олсун.

Башланув 49:6

Оларнынъ япкъан ишлерине мен къошулмайым, топлашувларына шуретим даркъалмасын. Олар гъазапларында акъайларны ольдюрдилер, бош истеклерине коре бузавларны сойдылар.