Сырларнынъ ачылувы 8:11 - Мукъаддес Китап

¹¹ Бу йылдызнынъ ады «аджджы юшан» эди. Сувларнынъ учьте бири юшан оту киби аджджы олды. Бойле аджджы сувны ичип, чокъ адам ольди.

Сырларнынъ ачылувы 8:11 Referans Kwoze

Йирмея 23:15

Онынъ ичюн Ордуларнынъ РАББИси пейгъамберлер акъкъында бойле дей: – Бакъынъыз! Оларгъа аджджы отларны ашатаджагъым, зеэрли сув ичиреджегим, чюнки Ерусалим пейгъамберлеринден чыкъкъан имансызлыкъ бутюн мемлекетке джайрады.

Йирмея 9:15

Бунынъ ичюн Ордуларнынъ РАББИси, Исраильнинъ Алласы бойле дей: – Мына, Мен бу халкъкъа аджджы отларны ашатаджагъым, зеэрли сув ичмеге береджегим.

Къануннынъ текрары 29:18

Сакъынынъыз, аранъызда ич бир акъай ве апай, сой ве къабиле бугунь Алламыз олгъан РАББИден айланып, шу миллетлернинъ пешинден кетип, оларнынъ аллаларына хызмет этмесин. Сакъынынъыз, аранъызда зеэрли ве аджджы махсулны осьтюрген тамыр олмасын.

Амос 6:12

Атлар къая устюне чапармы? Къаяларны бугъаларнен сюрмеге олурмы? Сизлер исе адалетни зеэрге чевирдинъиз, акъикъат мейвасыны аджджыгъа айландырдынъыз.

Амос 5:7

Эй, адалетни зеэрге чевиргенлер, акъикъатны ерге ургъанлар!

Агълав йырлары 3:19

Чеккен азабымны ве раатсызлыгъымны, зафра киби аджджы алымны акъылынъда тут.

Икметли сёзлер 5:4

Онынъ сонъу исе, юшан оту киби, аджджы, эки агъызлы къылыч киби кескин.

Сырларнынъ ачылувы 8:7

Биринджи мелек боразан чалды. Къаннен къарышкъан бурчакъ ве атеш пейда олды ве ер юзюне ягъды. Ернинъ учьте бири, тереклернинъ учьте бири ве бутюн ешиль отлар янды.

Еудийлерге 12:15

Ич биринъиз Алланынъ эйилигини ред этменъиз деп, дикъкъатлы олунъыз. Аранъызда аджджы тамыргъа ошагъан адам олмасын, ёкъса о сизге зарар кетиреджек ве чокъ адамларны арамлайджакъ.

Агълав йырлары 3:5

мени алкъагъа алды, чевре-четиме аджджы беля къойды;

Рут акъкъында китап 1:20

Ноомий оларгъа: – Манъа Ноомий деменъиз, мени Мара деп чагъырынъыз, чюнки Къудретли Алла манъа буюк гъам берди, – деди.

Чыкъыш 15:23

Марагъа келип, Марадаки сувны ичалмай эдилер, чюнки о, аджджы эди. Онынъ ичюн бу ер Мара деп адландырылгъандыр.

Зекерья 13:8

– Бутюн ер юзюнде, – дей РАББИ, – халкънынъ учьтен эки пайы къырыладжакъ ве ёкъ этиледжек, учьтен бир пайы исе сагъ къаладжакъ.

Зекерья 13:9

Къалгъан учьте бир пайыны атешке алып кетиреджегим, оларны, кумюш киби, иритип темизлейджегим, алтын киби, сынайджагъым. Олар Мени Адымнен чагъыраджакъ, ве Мен оларгъа джевап береджегим. Мен: «Олар – Меним халкъым», – дейджегим. Олар да: «РАББИ – Алламыз», – дейджеклер.

Сырларнынъ ачылувы 9:15

Адамларнынъ учьте бирини ольдюрсинлер деп, шу саат, шу кунь, шу ай ве шу йыл ичюн азыр тургъан дёрт мелек чезилип йиберильди.

Сырларнынъ ачылувы 9:18

Инсаниетнинъ учьте бири бу учь белядан – атларнынъ агъзындан чыкъаяткъан атеш, тютюн ве кукюрттен ольди.

Сырларнынъ ачылувы 12:4

О, къуйругъынен коктеки йылдызларнынъ учьте бирини сыдырып, ерге ташлады. Сонъ аждерха догъаяткъан къадыннынъ огюнде турды, къадын догъгъанда, онынъ баласыны ютмагъа истеди.