Сырларнынъ ачылувы 3:2 - Мукъаддес Китап

² Уяныкъ ол! Олюмге якъын олгъан шейлеринъден не къалса, оны къавийлештир, чюнки сенинъ япкъан ишлеринъ Алламнынъ огюнде етерли дегиль.

Сырларнынъ ачылувы 3:2 Referans Kwoze

1 Пётр 5:8

Айыныкъ ве козь-къулакъ олунъыз. Душманынъыз Шейтан, окюрген арслан киби, юре ве биревни ютмакъ ичюн къыдыра.

Сырларнынъ ачылувы 16:15

– Мына, Мен, хырсыз киби, апансыздан келем! Не де бахтлыдыр уяныкъ олгъан адам! Эгер о, урбасыны сакълап турса, чыплакъ юрмейджек, айып ерлери корюнмейджек.

1 Пётр 4:7

Эр шейнинъ сонъу якъындыр. Шунынъ ичюн акъыллы олмакъ ве, дува окъумакъ ичюн, айыныкъ олунъыз.

Ешая 35:3

Такъаттан кесильген къолларынъызны къуветлендиринъиз, къалтырагъан тизлеринъизни къавийлештиринъиз.

2 Тарих вакъиалары 25:2

О, РАББИнинъ огюнде догъру ишлер япты, амма буны чин юректен япмады.

Фаалиет 18:23

О ерде бир къач вакъыт отурып, кене ёлгъа чыкъты. Галатия ве Фригия топракъларыны бир-бир артындан айланып чыкъып, Исанынъ шегиртлерини иманында къавийлештирди.

Матта 25:13

Бойлеликнен, эр вакъыт козь-къулакъ олунъыз, чюнки не кунюни, не саатини билесиз.

Къануннынъ текрары 3:28

Ехошуагъа насиат бер, онъа юрек берип, оны къавийлештир. О, бу халкънынъ башында олып, озенден кечеджек ве сен кореджек топракъны оларгъа пай этип береджек», – деди.

Сырларнынъ ачылувы 2:4

Амма санъа къаршы бойле айтам: сен Мени ве башкъаларны эвельден севгенинъ киби севмейсинъ.

Ехезкель 34:16

– Гъайып олгъанны къыдырып тападжагъым, адашкъанны арткъа къайтараджагъым, яралынынъ ярасыны багълайджагъым, хастаны тедавийлейджегим, амма семиз къавгъаджы союны ёкъ этеджегим. Оларны адалетли бакъаджагъым.

Матта 23:5

Олар бутюн ишлерни, инсанларгъа корюнмек ичюн япалар. Дува къутуларыны кенъдже ве урбаларынынъ пускюллерини узунджа япалар.

Даниял 5:27

Текел – сен теразеде чекильдинъ ве къусурлы олгъанынъ ачылды.

Ешая 57:12

Сенинъ инсафлы ишлеринънен япкъанларынъны бильдиреджегим, амма бундан санъа файда олмайджакъ.

Ешая 56:10

Къаравулларнынъ эписи кёр ве бильгисиз, оларнынъ эписи – тильсиз копеклер; авулдап оламай, тюш корип, яталар, юкъламагъа пек севелер.

3 Падишалар 15:3

Бабасы ондан эвель япкъан гуналарны о да япты. Бабасы Давутнынъ юреги бутюнлей РАББИге берильген эди, амма Авиямнынъ юреги РАББИге бутюнлей берильмеген эди.

3 Падишалар 11:4

Сулейман къартайгъанында, олар юрегини башкъа аллаларгъа бойсундырдылар. Давут бабасынынъ юреги бутюнлей РАББИге берильген эди, амма Сулейманнынъ юреги шимди Алласына бутюнлей берильмеген эди.

Зекерья 11:16

Мен бу топракъта даа бир чобанны къояджагъым. О, олеяткъанларнынъ къасеветини чекмейджек, яш къозучыкъларны къыдырмайджакъ, хасталарны бакъмайджакъ, сагъламларгъа аш бермейджек, лякин семиз къойларнынъ тырнакъларыны къопараджакъ ве этини ашайджакъ.

Эюп акъкъында китап 16:5

сёзлернен сизни юреклендирип, дудакъларымнен сизге гонъюль берер эдим.

Сырларнынъ ачылувы 3:1

Сарда шеэриндеки иманлылар джемиетининъ мелегине яз: «Алланынъ еди Рухунынъ ве еди йылдызнынъ Сабысы олгъан бойле дей: Сенинъ ишлеринъни билем. Сен тириге ошайсынъ, амма акъикъатен олюсинъ.

Сырларнынъ ачылувы 3:3

Нени эшиткен ве къабул эткен олсанъ, акълынъа кетир ве тёвбе эт. Эгер уяныкъ олмасанъ, Мен, хырсыз киби, келирим, сен исе саат къачта санъа келеджегимни бильмезсинъ.

Матта 25:7

Къызларнынъ эписи турып, яхшы янсын деп, лампатларыны догъурттылар.