Сырларнынъ ачылувы 12:1 - Мукъаддес Китап

¹ Кокте аджайип бир алямет – кунешке сарылгъан бир къадын пейда олды. Онынъ аякълары астында ай ве башында он эки йылдызлы тадж бар эди.

Сырларнынъ ачылувы 12:1 Referans Kwoze

Лука 21:25

Кунеш, ай ве йылдызларда бельгилер пейда оладжакълар. Денъиз ве буюк далгъалар шувулдагъаныны эшитип, ер юзюндеки халкълар гъам-къасеветленип чаресизликке тюшеджеклер.

Эфеслилерге 5:32

Бу сыр буюк; мен Месих ве иманлылар джемиети акъкъында айтам.

Ешая 62:3

РАББИнинъ къолунда дюльбер тадж киби оладжакъсынъ, Алланънынъ элинде падишанынъ сарыгъы киби булунаджакъсынъ.

Марк 13:25

Йылдызлар коктен тюшеджеклер, ве коклердеки кучьлер сарсыладжакълар».

Энъ яхшы йыр 6:10

– Кимдир бу къыз? Танъ киби бакъа о, ай дайын дюльбер, кунеш дайын темиз, байракълар тюбюнде бир орду киби аджайип.

Лука 21:11

Шиддетли ер тепренювлери келеджек, тюрлю топракъларда ачлыкълар ве веба хасталыкълары оладжакъ. Коклерде къоркъунчлы вакъиалар ве буюк бельгилер корюнеджеклер.

Зебур 104:2

Онъа йырланъыз, Онъа чалгъы чалынъыз, бутюн аджайип шейлери акъкъында айтынъыз!

Зебур 84:11

Севгинен акъикъат корюшелер, догърулыкъ ве аманлыкъ опюшелер!

2 Тарих вакъиалары 32:31

Тек Вавилон башлыкъларынынъ эльчилери мемлекетте олып кечкен алямет акъкъында сорамагъа онъа кельгенде, Алла оны бир озюни къалдырды, онынъ юрегини сынамагъа ве онынъ ичиндеки эр бир шейни бильмеге истеди.

Сырларнынъ ачылувы 21:23

Шеэрни ярыкълатмакъ ичюн не кунеш, не ай керек; оны Алланынъ Шурети ярыкълатаджакъ; шеэрге Къозу нур сачаджакъ.

Сырларнынъ ачылувы 15:1

Мен кокте даа бир буюк ве аджайип алямет корьдим: къолларында сонъки еди белясы олгъан еди мелек. Шу беляларнен Алланынъ гъазабы битеджек эди.

Сырларнынъ ачылувы 12:3

Сонъ кокте башкъа бир алямет корюнди: еди башлы, он бойнузлы, еди башына еди тадж кийген буюк къырмызы аждерха пейда олды.

Сырларнынъ ачылувы 11:19

Сонъ Алланынъ коктеки Сарайы ачылды. Алланынъ Сарайында Онынъ Васиет Сандыгъы корюнди. О вакъытта яшын яшнады, сеслер янъгъырады, кок гудюрдеди, зельзеле башланды, ве кучьлю бурчакъ ягъды.

Фаалиет 2:19

Юкъарыда кокте аджайип шейлер япаджагъым, ашагъыда ер юзюнде бельгилер береджегим, къан, атеш ве къою думан киби тютюн ёллайджагъым.

Матта 24:30

О вакъытта кокте Инсан Огълунынъ бельгиси пейда оладжакъ. Ер юзюндеки эписи миллетлер окюр-окюр агълайджакълар, коктеки булутлар устюнде къудрет ве буюк шан-шурет иле келеяткъан Инсан Огълуны кореджеклер.

Зекерья 9:16

О куню РАББИ, оларнынъ Алласы оларны къуртараджакъ. Къойларны киби, Озь халкъыны къорчалайджакъ. Олар, таджда къыйметли ташлар киби, Онынъ топрагъында йылтырайджакъ.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Малакий 4:2

Амма Адыма сайгъы косьтергенлер ичюн, догърулыкъ кунеши догъаджакъ ве нурларынен шифа кетиреджек. Ве сиз чыкъып, бакъылгъан бузавлар киби, сычрайджакъсынъыз.

Галатиядакилерге 6:14

Мен Раббимиз Иса Месихнинъ хачындан гъайры башкъа ич бир шейнен макътанмайым. Онынънен бу дюнья мен ичюн хачкъа мыхлангъан, мен де бу дюнья ичюн хачкъа мыхлангъаным.

Матта 12:38

‌О вакъытта бир къач Къанун оджасы ве ферисе Исагъа: – Оджа, бизге бир бельги косьтергенинъни истеймиз, – дедилер.

Сырларнынъ ачылувы 21:14

Шеэр диварларынынъ он эки темели олып, оларда Къозунынъ он эки эльчисининъ адлары язылгъан эди.

Сырларнынъ ачылувы 1:20

Онъ къолумда сен корьген еди йылдыз ве еди алтын лампат таягъынынъ сыры шунда: еди йылдыз – еди иманлылар джемиетининъ мелеклери, еди лампат таягъы исе – еди джемиеттир.

Галатиядакилерге 3:27

Сизлер эпинъиз сувгъа батырылып чыкъкъанда, Месихке къошулдынъыз, ве эр биринъиз Месихнинъ табиатыны алдынъыз.

2 Коринтлилерге 11:2

Мен сизлер акъкъынъызда Алла киби къасевет этем, чюнки мен сизлерни Месихке, бир акъайгъа киби, нишанладым ве сизни Онъа темиз къыз оларакъ бермеге истейим.

Римлилерге 3:22

Алла Иса Месихке инангъан эр бир адамны оларнынъ иманы ичюн акълай. Ве бунда адамларнынъ арасында ич бир фаркъ ёкъ.

Юхан 3:29

Келинни аладжакъ адам – киевдир. Лякин киевнинъ янында тургъан ве оны динълеген досту киевнинъ сесини эшитип пек къувана. Мен де бойле бутюнлей къуванам.

Римлилерге 13:14

Эр биринъиз Месихнинъ табиатыны алдынъыз. Беденлеринъизни бакъкъанынъызда, беден истеклери сизге падишалыкъ этмесинлер.

Галатиядакилерге 4:26

Тёпедеки Ерусалим исе азат, о, бизим анамыздыр,