Сайылар 9:14 - Мукъаддес Китап

¹⁴ Аранъызда яшагъан бир ябанджы РАББИ ичюн Песах Байрамыны низамнамелерге ве къарарларгъа коре япмагъа истесе, оны япсын. Сизде эр бир адам ичюн – эм ябанджы, эм исраилли ичюн – айны бир низамнаме олсун.

Сайылар 9:14 Referans Kwoze

Левийлилер 24:22

Эм кельмешекни, эм исраиллини айны бойле суд этинъиз. Мен – РАББИм, сизинъ Алланъыз.

Къануннынъ текрары 31:12

Халкъны – акъайларны, апайларны ве балаларны, ве аранъызда яшагъан ят халкълардан олгъанларны топла. Олар динълесин ве огренсинлер, Алланъыз олгъан РАББИден къоркъсунлар ве бу Къануннынъ эписи сёзлерини тутып беджерсинлер.

Къануннынъ текрары 29:11

уфакъ балаларынъыз, апайларынъыз, ордунъызда ят халкълардан олгъанлар: одун парлагъанлар ве сув ташыгъанлар.

Левийлилер 25:15

Юбилей йылындан сонъ кечкен йылларнынъ сайысына коре сатын ал, агъа-къардашынъ санъа келир йылларынынъ сайысына коре сатсын.

Левийлилер 22:25

Ябанджыларгъа да бойле айванларны Алланъызгъа къурбанлыкъ ашы оларакъ кетирмеге ёл берменъиз. Оларнынъ эксиклиги бар, ве, къусурлы олгъанлары ичюн, олар сизден къабул олунмаз.

Левийлилер 19:10

Багъынъызда эр бир юзюм салкъымыны джыйманъыз, ерге тюшкен юзюм данелерини топламанъыз. Буны фукъарелерге ве кельмешеклерге къалдырынъыз. Мен – РАББИм, сизинъ Алланъыз.

Чыкъыш 12:43

Мусанен Харунгъа РАББИ: – Мына Песахнынъ низамнамеси: ич бир ябанджы оны ашамасын.

Чыкъыш 12:47

Исраиль огъулларынынъ бутюн джемааты Песахны тутмакъ кереклер.

Сайылар 15:15

Джемаат! Сизлерге ве аранъызда яшагъан кельмешекке бир низамнаме олсун. Бу низамнаме сизинъ несиллеринъизге эбедий олсун. Эм сизлер, эм кельмешеклер РАББИнинъ огюнде олунъыз.

Сайылар 15:16

Сизлер ве аранъызда яшагъан кельмешеклер ичюн бир къанун ве бир къарар олсун.

Узеир 6:21

Эсирден къайтып кельген Исраиль огъуллары ве, Исраильнинъ Алласы РАББИге ибадет этмек ичюн, башкъа халкъларнынъ писликлеринден айырылгъан адамлар да оны ашадылар.