Сайылар 4:5 - Мукъаддес Китап

⁵ Орду ёлгъа чыкъаджакъ вакъытта Харун ве оларнынъ огъуллары келип, къапаткъан пердени тюшюрсинлер ве онынънен Шаатлыкъ Сандыгъынынъ устюни къапатсынлар.

Сайылар 4:5 Referans Kwoze

Еудийлерге 9:3

Экинджи перденинъ артында «Энъ Мукъаддес Ер» деген бир болюк бар эди.

Матта 27:51

Шу ань Алла Сарайындаки перде тёпеден ашагъадже йыртылып, экиге болюнди. Ер титреди, къаялар ярылды.

Еудийлерге 10:20

Иса бизге Чадырнынъ пердесинден янъы, омюр берген ёлны ачты. Бу ёл – Онынъ къурбан кетирильген беденидир.

Ешая 25:7

Бу дагъда эписи халкъларны орьткен орьтюни ёкъ этеджек, эписи миллетлерни къаплагъан орьмени гъайып этеджек:

Сайылар 10:14

Биринджи Ехуда огъулларынынъ ордусы озь байрагъы тюбюнде болюклерине коре ёлгъа чыкъты. Амминадавнынъ огълу Нахшон оларнынъ орду башлыгъы эди.

Сайылар 4:15

Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Чыкъыш 40:3

Анда Шаатлыкъ Сандыгъыны кирсетип къой, оны перденен къапат.

Чыкъыш 36:35

Мор, мавылы къырмызы, ачыкъ къырмызы юньден ве индже ишленген кетенден перде япып, онынъ устюне усталыкънен Керувларны нагъышлады.

Чыкъыш 40:5

Къокъулы отларны якъмакъ ичюн алтындан япылгъан ерни Шаатлыкънынъ огюнден къойып, Мескеннинъ къапусына пердени ас.

Левийлилер 16:2

РАББИ Мусагъа бойле деди: – Харун агъанъа айт ки, онъа ольмемек ичюн, перденинъ артындаки Энъ Мукъаддес Ерге, Сандыкънынъ устюндеки Мерамет Ерининъ огюне истеген вакътында кирмесин. Мерамет Ерининъ устюнде Мен булут ичинде корюнирим.

Сайылар 4:4

Корюшюв Чадырындаки Кехат огъулларынынъ хызмети – Энъ Мукъаддес Ерде хызмет этмектир.

Сайылар 7:9

Кехат огъулларына исе бир шей бермеди, чюнки оларнынъ иши – Мукъаддес Ерни омузларында ташымакътыр.

Къануннынъ текрары 31:9

Муса бу Къанунны язды ве оны РАББИнинъ Васиет Сандыгъыны ташыгъан, Левий къабилесинден олгъан руханийлерге ве Исраильнинъ эписи акъсакъалларына берди.

1 Падишалар 6:19

Алла Бет-Шемеш сакинлерини РАББИнинъ Сандыгъыны ачып бакъкъанлары ичюн джезалады, халкътан 50 070 адамны ольдюрди. РАББИ пек чокъ халкъны гъайып эткени ичюн, халкъ матем тутты.

1 Тарих вакъиалары 15:15

РАББИнинъ сёзюне коре, Мусанынъ эмирини тутып, левийлилернинъ огъуллары Алланынъ Сандыгъынынъ сырыкъларыны омузларына къойып алып кеттилер.

1 Тарих вакъиалары 23:26

Шунынъ ичюн левийлилерге Алланынъ Мескенини ве ибадет хызметинде къулланылгъан чешит шейлерни ташымагъа кереги ёкъ».

2 Тарих вакъиалары 3:14

Сулейман кок, мавылы къырмызы ве къою къырмызы басмадан ве индже кетенден перде яптырды. Перденинъ устюнде Керувлар япылгъан эди.