Сайылар 4:10 - Мукъаддес Китап

¹⁰ Къандильни бутюн алетлеринен берабер индже ишленген терилер орьтюсинен къапатсынлар ве седиенинъ устюне къойсунлар.

Сайылар 4:10 Referans Kwoze

Сайылар 4:12

Мукъаддес Ерде ибадет этмек ичюн къулланылгъан бутюн шейлерни алсынлар, мор юньден япылгъан безге сарсынлар, индже ишленген терилер орьтюсинен къапатсынлар ве седиенинъ устюне къойсунлар.

Сайылар 4:6

Оны индже ишленген терилер орьтюсинен къапатсынлар, онынъ устюне мор юньден япылгъан безни ташласынлар ве сырыкъларыны ерине кечирсинлер.

Чыкъыш 25:5

къойларнынъ дибагъ этилип къырмызы ренкке боялангъан терилер ве индже ишленген терилер, акация тереклери;

Сайылар 4:9

Мор юньден япылгъан безни алсынлар ве ярыкъ къандилини ве онынъ лампатларыны, машачыкъларыны, табачыкъларыны, зейтюн ягъы ичюн къуллангъан эписи савутларынынъ устюне тёшесинлер.

Сайылар 4:11

Алтын къурбан ерининъ устюне мор юньден япылгъан безни тёшесинлер, устюни индже ишленген терилер орьтюсинен къапатсынлар, сырыкъларыны ерине кечирсинлер.

Чыкъыш 25:31

Темиз алтындан къандиль яп. Бу къандиль бир кесек маденден дёгюлип япылмакъ керек. Темели ве сапы, лампатлар къоймакъ ичюн чаначыкълары, гоньджелери ве чечеклери алтыннынъ бир бутюн кесегинден япылсынлар.