Сайылар 34:6 - Мукъаддес Китап

⁶ Гъарбий сынъырынъыз Акъ денъиз оладжакъ. Будыр гъарпта оладжакъ сынъырынъыз.

Сайылар 34:6 Referans Kwoze

Ехезкель 47:20

Гъарпта Акъ денъиз топракънынъ сынъыры оладжакъ. О, дженюп сынъырындан Лево-Хамат къаршысындаки ерге узанаджакъ. Бу гъарп сынъыры.

Ехезкель 47:15

Мына мемлекетнинъ сынъырлары: Шимальде Акъ денъизден башлап, Хетлон ве Лево-Хамат шеэри ёлундан Цедад шеэрине,

Ехезкель 47:10

Ялыда балыкъчылар пейда оладжакъ. Эн-Гедиден башлап Эн-Эгълаимге къадар балыкъ тутып, агъларны къурутмагъа къояджакълар. Анда Акъ денъиздеки олгъаны киби, пек чокъ чешит тюрлю балыкъ оладжакъ.

Нун огълу Ехошуа 23:4

Иште, мен бу къалгъан халкъларны сизге джерепке коре, къабилелеринъизге топракъ пайлары олсунлар деп, больдим. Иордандан башлап, кунь отургъан тарафкъадже, Акъ денъизгедже мен эписи бу халкъларны енъдим.

Нун огълу Ехошуа 15:47

Ашдод ве этрафындаки эписи шеэрлер ве койлер; Гъаза ве этрафындаки эписи шеэрлер ве койлер. Сынъырлары Мысыр вадийи ве улу денъизге къадар узана эди.

Нун огълу Ехошуа 15:12

Гъарбий сынъыр – Акъ денъизнинъ ялысы. Ехуда огъулларынынъ, сойларына коре, чевре-четининъ сынъырлары бойледир.

Нун огълу Ехошуа 9:1

Иорданнынъ гъарбий тарафында, дагъларда, тегиз ерлерде ве Акъ денъизнинъ бутюн ялысы боюнда Ливангъа баргъандже олгъан хитлилернинъ, аморлыларнынъ, ханаанлыларнынъ, перизлилернинъ, хивлилернинъ ве евуслыларнынъ падишалары буны эшиттилер.

Нун огълу Ехошуа 1:4

Сизинъ сынъырларынъыз сахрадан ве Ливандан башлап, буюк Фират дерьясынадже – хитлилернинъ бутюн топракълары – ве гъарпта яткъан буюк денъизге къадар оладжакъ.

Сайылар 34:5

Ацмондан сынъыр Мысыр вадийине буруладжакъ ве Акъ денъизге бараджакъ.

Сайылар 34:7

Шималий сынъырынъыз бойле оладжакъ: сынъырны Акъ денъизден Хор дагълыгъына къадар сызыкъ чекип къайд этинъиз,

Къануннынъ текрары 34:2

Нафталийнинъ оладжакъ топрагъыны, Менашше ве Эфраимнинъ топрагъыны, тап гъарбий денъизгедже баргъан бутюн Ехуданынъ топрагъыны,

Нун огълу Ехошуа 15:11

О, Экрон дагъынынъ шималь тарафындан кечип, Шиккеронгъа чевире, Баала дагъындан кечип, тап Явнеэльге бара эди. Сынъырнынъ сонъу Акъ денъиз янында бите эди.