Сайылар 32:1 - Мукъаддес Китап

¹ Рубен ве Гъад огъулларынынъ пек чокъ сюрюлери бар эди. Олар Язер ве Гилад топракъларында сюрюлерни бакъмакъ ичюн ер олгъаныны корьдилер.

Сайылар 32:1 Referans Kwoze

Сайылар 21:32

Муса Язерни бакъып чыкъмакъ ичюн адамларны ёллады. Исраиллилер Язернинъ этрафындаки койлерни запт эттилер ве анда яшагъан аморлыларны къувдылар.

Сайылар 32:35

Атрот-Шофан, Язер, Ёгбеха,

Сайылар 32:3

– Эм Атарот ве Дивон, эм Язер, эм Нимра, эм Хешбон, эм Элале, эм Севам, эм Нево, эм Беон –

1 Юхан 2:16

Дюньядаки эр шей: беден истеклери, козьлер истеклери, зенгинликнен макътанув, – Бабадан дегиль, лякин дюньядандыр.

Микъа 7:14

Я РАББИ, Озь халкъынъа падиша таягъынен чобанлыкъ яп, Къармел дагъларында айры яшагъанларны, сенинъ мулькюнъ олгъан къойларынъны бакъ. Эвель-эзель олгъаны киби, олар Башан ве Гиладда отласынлар.

Йирмея 50:19

Исраильни отлагъына къайтараджагъым, ве о, Къармел дагъларында ве Башан еринде отлайджакъ. Эфраим ве Гилад дагъларында джаныны тойдураджакъ.

2 Падишалар 24:5

Олар Иордан озенини кечип, Ароэр шеэрининъ сагъ тарафында токътадылар. Шу шеэр Язер шеэрининъ янындаки Гъад вадийининъ ортасында эди.

Нун огълу Ехошуа 13:25

Язер топрагъы, Гиладнынъ эписи шеэрлери ве Раббанынъ янында олгъан Ароэрге къадар аммонлыларнынъ яры топрагъы,

Сайылар 32:26

Балаларымыз, апайларымыз, сюрюлеримиз ве бутюн айванларымыз мында, Гилад шеэрлеринде къаладжакълар.

Чыкъыш 12:38

Оларнен берабер чешит миллетлерден чокъ адамлар ве баягъы буюк сюрюни асыл эткен къой-эчкилернен туварлар да чыкъып кеттилер.

Башланув 47:4

– Биз бу ерге яшамакъ ичюн кельдик, – деп къоштылар олар. – Ханаан топрагъында кучьлю ачлыкъ олгъаны ичюн, бизге, къулларынъа, къой-эчки отлатмагъа ер ёкъ. Иште, къулларынъа Гошен топрагъында ерлешмеге разылыкъ бер.

Башланув 29:32

Леа юклю олып, огълан бала тапты ве: «РАББИ меним кедеримни корьди. Энди акъайым мени север», – деп, баланынъ адыны Рубен къойды.

Башланув 13:5

Ибрамнен берабер кочип юрген Лутнынъ да озь къой-эчкилери, туварлары ве чадырлары бар эди.

Башланув 13:2

Энди Ибрам эм малгъа, эм кумюшке, эм алтынгъа пек зенгин эди.

Сайылар 32:2

Гъад огъуллары ве Рубен огъуллары Мусагъа, руханий Элазаргъа ве джемаатнынъ башлыкъларына келип:

Къануннынъ текрары 33:21

О, озюне ернинъ биринджисини сайлап алды, анда оны башлыкънынъ пайы бекледи. О, халкънынъ башлыкъларынен кельди, РАББИнинъ догъру истегини ве Исраильге берильген къарарларыны беджерди.

Нун огълу Ехошуа 22:9

Сонъ Рубен огъуллары, Гъад огъуллары ве Менашше къабилесининъ ярысы Ханаан топрагъында ерлешкен Шило шеэринден, Исраиль огъулларындан кеттилер ве Гиладгъа, озьлерининъ пайы олгъан топракъкъа, РАББИ Мусанен айттыргъан эмирине коре запт этильген топракъларына къайттылар.

Къадылар 5:16

Чобан къавалыны динълеп, къошлар янында не отурасынъ? Рубен сойлары терен тюшюнджелерге далгъан.

Йирмея 22:6

РАББИ Ехуда падишасынынъ эвине бойле дей: Сен Манъа, Гилад дагълары киби, Ливан тёпелери киби, гузельсинъ, лякин Мен сени адамсыз шеэрлерге, бакъымсыз сахрагъа чевиреджегим.

Нун огълу Ехошуа 22:13

Лякин Исраиль огъуллары дженк этмезден эвель, Рубен огъулларына, Гъад огъулларына ве Менашше къабилесининъ ярысына Гилад топрагъына руханий Элазарнынъ огълу Пинехасны ёлладылар.

2 Падишалар 24:6

Олар Гилад ве Тахтим-Ходший деген ерге, сонъ Дан-Яан ерине кельдилер, Сидоннынъ чевресини айландылар ве Сидон ёлуны кечтилер.

1 Тарих вакъиалары 4:41

Юкъарыда адлары язылып кечкен бутюн булар, Хизкия Ехуданынъ падишасы олгъан заманда анда келип, хамлыларнен дженкке киришип, оларны къырдылар, чадырларында яшагъан хамлыларгъа ве анда отургъан меунлыларгъа уджюм эттилер ве оларны бутюнлей ёкъ эттилер. Бугуньге къадар ойле де олып къалды. Озьлери исе оларнынъ ерлеринде ерлештилер, чюнки оларнынъ къой сюрюлери ичюн анда отлакълар бар эди.

Йирмея 8:22

Гилад еринде мельэм ёкъмы, анда эким ёкъмы? Не ичюн халкъымнынъ ярасы яхшы олмады?

Йирмея 48:32

Эй, Сивма шеэрининъ юзюмлиги, сенинъ ичюн Язер халкъындан чокъ агълайджагъым! Пытакъларынъ денъизнинъ башкъа тарафына узанып, Язернинъ денъизине ете эди. Ёкъ этиджи яз махсулларынъны, пишкен юзюминъни ёкъ этти.