Сайылар 3:9 - Мукъаддес Китап

⁹ Левийлилерни Харунгъа ве онынъ огъулларына бер. Исраиль огъулларындан олар бутюнлей Харунгъа берильгендир.

Сайылар 3:9 Referans Kwoze

Сайылар 8:19

Сонъ Исраиль огъулларынынъ арасындан Мен левийлилерни Харунгъа ве онынъ огъулларына бутюнлей бердим, олар Исраиль огъуллары ерине Корюшюв Чадырында хызмет этсинлер ве Исраиль огъуллары ичюн одеме этсинлер. О вакъыт, Исраиль огъуллары Мукъаддес Ерге якъынлашкъанда, оларнынъ башларына беля тюшмейджек.

Эфеслилерге 4:11

О Озю базы адамларны эльчи, базыларны пейгъамбер, базыларны Къуванчлы Хаберни даркъатыджы, базыларны исе иманлылар джемиетине башлыкъ ве оджа этип къойды,

Эфеслилерге 4:8

Шу себептен айтылгъан ки, О, юксекликке котерильди, эсирлерни эсирге алды, инсанларгъа бахшышлар берди.

Сайылар 3:8

ве Корюшюв Чадырынынъ бутюн шейлерини сакълап къорчаласынлар. Исраиль огъулларынынъ ерине олар Мескен ичюн хызметлерини япсынлар.

Сайылар 8:16

Исраиллилернинъ арасындан олар бутюнлей Манъа багъышлангъанлар. Биринджи догъгъанларынынъ, Исраиль къадынлары догъгъан биринджи огълан балаларынынъ ерине Мен оларны Озюме алдым.

Сайылар 16:9

Исраиль Алласы сизни Исраиль джемаатындан айырды ве Озюне якъынлаштырды, – деп къошты. – Сиз РАББИнинъ Мескенинде хызмет этесиз, джемаат ичюн джевапкяр олып, оларнынъ огюнде турасынъыз. Аджеба, сизлер ичюн шу азлыкъ этеми?

Сайылар 8:14

Бойле этип, левийлилерни Исраиль огъулларындан айыр, ве левийлилер Менимки оладжакълар.

Сайылар 8:18

ве Исраиль огъулларында биринджи догъгъан огълан балаларынынъ ерине левийлилерни алдым.

Сайылар 18:2

Сенинъ агъа-къардашларынъ, Левий къабилеси, баба-деденънинъ сою сенинъ янынъда олсунлар. Олар санъа къошулсынлар ве санъа хызмет этсинлер. Сен ве огъулларынъ исе Шаатлыкъ Чадырында хызмет этинъиз.

1 Тарих вакъиалары 6:33

Огъулларынен берабер йырджы олып хызмет эткенлер шулардыр: Кехат огъулларындан – Хеман йырджы. Хеман Ёэльнинъ огълу, Ёэль Смаилнинъ огълу,

1 Тарих вакъиалары 15:2

Бундан сонъ Давут бойле деди: – Алланынъ Сандыгъыны левийлилерден гъайры башкъа бир кимсе ташымайджакъ. РАББИнинъ Сандыгъыны ташымакъ ве Онъа даима хызмет этмек РАББИ тек оларны сайлап алды.

Узеир 2:43

Сарай хызметчилери: Циха огъуллары, Хасуфа огъуллары, Таббаот огъуллары,

Узеир 6:18

Сонъра Мусанынъ китабында язылгъанына коре, руханийлерни болюклерине коре ве левийлилерни невбетлерине коре Ерусалимде Аллагъа хызмет этмеге къойдылар.

Узеир 8:20

ве Давут ве онынъ башлыкълары левийлилерге хызметчи оларакъ берген Сарай хызметчилерден 220 адам алып кельдилер. Оларнынъ адлары джедвельде язылгъан эди.