Сайылар 3:41 - Мукъаддес Китап

⁴¹ Мен ичюн левийлилерни ал. Мен – РАББИм. Оларны исраиллилернинъ бутюн биринджи догъгъанларынынъ ерине ал, исраиллилернинъ биринджи догъгъан айванларынынъ ерине Мен ичюн левийлилернинъ айванларыны ал.

Сайылар 3:41 Referans Kwoze

Сайылар 3:12

– Иште, Исраиль огъулларынынъ арасындан, эписи исраиллилернинъ биринджи огъулларынынъ еринде Мен Озюме левийлилерни алдым. Левийлилер Менимки олсунлар.

Сайылар 3:45

– Исраиллилернинъ биринджи догъгъанларынынъ ерине левийлилерни, айванларынынъ ерине левийлилернинъ айванларыны ал. Левийлилер Меним олсунлар. Мен – РАББИм.

1 Тимотейге 2:6

О, эписи адамлар ичюн Озюни одеме оларакъ берди. Шу, озь вакъты-саатинде кельген шаатлыкъ олды.

Матта 20:28

Шойле де Инсан Огълу, Озюне хызмет эттирмек ичюн кельмеди. Озю хызмет этмек ве Озь джаныны къурбан этип, чокътан-чокъларны къуртармакъ ичюн кельди, – деди.

Сайылар 18:15

Эр биринджи догъгъан, РАББИге багъышлангъан эм адам, эм айван сенинъ олсун. Ялынъыз биринджи догъгъан эр бала ве арам сайылгъан айванларнынъ эр биринджи догъгъан баласы сатын алынмакъ керек.

Сайылар 8:16

Исраиллилернинъ арасындан олар бутюнлей Манъа багъышлангъанлар. Биринджи догъгъанларынынъ, Исраиль къадынлары догъгъан биринджи огълан балаларынынъ ерине Мен оларны Озюме алдым.

Сайылар 3:42

Бойледже, Муса, РАББИ буюргъаны киби, исраиллилернинъ биринджи догъгъанларынынъ эписини сайып, джедвельге язды.

Сайылар 3:13

Бутюн биринджи догъгъанлар Менимкидир. Мысыр топрагъында биринджи догъгъанларнынъ эписини ёкъ эткен куньде, Мен Исраильнинъ эм инсанларда, эм айванларда биринджи догъгъанларыны Озюм ичюн айырдым. Олар Менимки олсунлар. Мен – РАББИм.