Сайылар 3:12 - Мукъаддес Китап

¹² – Иште, Исраиль огъулларынынъ арасындан, эписи исраиллилернинъ биринджи огъулларынынъ еринде Мен Озюме левийлилерни алдым. Левийлилер Менимки олсунлар.

Сайылар 3:12 Referans Kwoze

Сайылар 8:16

Исраиллилернинъ арасындан олар бутюнлей Манъа багъышлангъанлар. Биринджи догъгъанларынынъ, Исраиль къадынлары догъгъан биринджи огълан балаларынынъ ерине Мен оларны Озюме алдым.

Сайылар 3:41

Мен ичюн левийлилерни ал. Мен – РАББИм. Оларны исраиллилернинъ бутюн биринджи догъгъанларынынъ ерине ал, исраиллилернинъ биринджи догъгъан айванларынынъ ерине Мен ичюн левийлилернинъ айванларыны ал.

Сайылар 18:6

Иште, Мен Исраиль огъуллары арасындан агъа-къардашларынъыз левийлилерни алдым ве оларны сизге бир бахшыш оларакъ бердим. Олар РАББИге багъышлангъандыр ве Корюшюв Чадырынен багълы хызметлерни япсынлар.

Сайылар 8:18

ве Исраиль огъулларында биринджи догъгъан огълан балаларынынъ ерине левийлилерни алдым.

Сайылар 3:45

– Исраиллилернинъ биринджи догъгъанларынынъ ерине левийлилерни, айванларынынъ ерине левийлилернинъ айванларыны ал. Левийлилер Меним олсунлар. Мен – РАББИм.

Чыкъыш 13:2

– Исраиль огъулларында эр бир биринджи догъгъан джанны, эм адамдан, эм айвандан догъгъан баланы Манъа айырып элялла. Олар Менимкидир, – деди.

Сайылар 3:11

РАББИ Мусагъа бойле деди:

Сайылар 8:14

Бойле этип, левийлилерни Исраиль огъулларындан айыр, ве левийлилер Менимки оладжакълар.