Сайылар 28:11 - Мукъаддес Китап

¹¹ Эр янъы айнынъ биринджи куню РАББИге бутюнлей якъыладжакъ къурбан оларакъ туварынъыздан эки бузавны, бир къочкъарны ве еди баш бир йыллыкъ къусурсыз къозуны кетиринъиз.

Сайылар 28:11 Referans Kwoze

Сайылар 10:10

Къуванчлы куньлеринъизде, бельгиленген байрамларынъызда, янъы ай догъгъан куньлеринде, бутюнлей якъыладжакъ къурбанларны ве аманлыкъ къурбанларыны чалып кетиргенинъизде, боразанлар чалынъыз, ве Алланъыз сизни акъылында тутаджакъ. Мен – Алланъыз олгъан РАББИдирим.

Ехезкель 46:6

Янъы ай куню ёлбашчы къурбан оларакъ бир къусурсыз яш бузавны, алты къусурсыз къозуны ве бир къусурсыз къочкъарны кетирсин.

Колоссайлыларгъа 2:16

Бойлеликнен, ашарлыкъ-ичерлик, байрамлар, янъы ай я да раатлыкъ куньлери къаиделерини тутмагъанынъыз ичюн сизлерни ич кимсе къабаатламасын.

Хошеа 2:11

Бутюн къуванчыны токътатаджагъым, о, бир даа озь байрамларыны, янъы айларыны, раатлыкъ куньлерини тутмайджакъ, тайин этильген ич бир топлашувыны япмайджакъ.

Узеир 3:5

Бундан сонъра эр вакъыттаки къурбанлар чалмагъа башладылар: янъы ай куньлеринде, РАББИге багъышлангъан эр бир байрамда ве РАББИ ичюн озь истегинен бахшыш берильген вакъытта.

2 Тарих вакъиалары 2:4

Мына мен РАББИ-Таалямнынъ Адына эв къурам. О, Раббиге багъышланаджакъ, ве Онынъ огюнде къокъулы шейлер якъыладжакъ, даима теклиф пителери къоюладжакъ, саба-акъшам бутюнлей якъыладжакъ къурбанлар кетириледжеклер, раатлыкъ куньлери, янъы ай куньлеринде ве РАББИ-Таалямызнынъ тайин эткен байрамларында бутюнлей якъыладжакъ къурбанлар кетириледжеклер. Буларнынъ эписини Исраиль эр вакъыт япмакъ керек.

1 Тарих вакъиалары 23:31

Раатлыкъ куньлеринде, янъы ай куньлеринде ве эр бир байрам куньлеринде олар бутюнлей якъыладжакъ къурбанларны РАББИге чалып, эр вакъыт, язылгъан къаиделерге коре, РАББИнинъ огюнде олмагъа керек эдилер. Олар бельгиленген сайысына коре, кереги киби хызмет этмек керек эди.

1 Падишалар 20:5

Давут Ёнатангъа: – Мына ярын янъы ай чыкъар, мен падишанен берабер софра башында отурмакъ кереким, амма сен мени йибер, мен тарлада о бириси кунюнинъ акъшамынадже сакъланайым.

Колоссайлыларгъа 2:6

Шунынъ ичюн, эгер сизлер Иса Месихни, Раббини, къабул эткен олсанъыз, Онда яшанъыз.

Галатиядакилерге 4:10

Сизлер насылдыр куньлерни, айларны, мевсимлерни ве йылларны тутасынъыз!

Амос 3:5

Тузакъта ем олмаса, къуш ердеки къапкъангъа тюшерми? Ичине бир шей тюшмеден, къапкъан ерден къыбырдармы?

Ехезкель 46:1

РАББИ-ТААЛЯ шойле дей: – Ички азбаргъа алып баргъан шаркъ къапусы алты иш куню девамында къапалы турсун. Раатлыкъ куню исе оны ачсынлар. Янъы ай куню де о ачыкъ олсун.

Ешая 66:23

– О заман эр янъы ай куню ве эр раатлыкъ куню эр джан огюме ибадет этмеге келеджек, – дей РАББИ.

Зебур 81:3

Фукъаре ве оксюзнинъ тарафыны алынъыз, заваллы ве факъыргъа адалет косьтеринъиз!

Зебур 40:8

Мени кореджек козю олмагъанлар эписи озьара фысылдашып, манъа къаршы яманлыкъ япмагъа ниетленелер.

Зебур 40:6

Душманларым мени яманлап: “Не вакъыт олер де, не вакъыт онынъ ады ёкъ олур?” – дейлер».

Нехемья 10:33

теклиф пителери ичюн, эр вакъыттаки ашлыкъ бахшышлары ве эр вакъыттаки бутюнлей якъыладжакъ къурбанлар ичюн, раатлыкъ куньлери, янъы ай куньлери ве байрам куньлери ичюн, азизликлер ичюн, Исраиль ичюн одеме этмеге гуналар къурбанлары ичюн ве Алламызнынъ Эвиндеки бутюн ишлер ичюн беремиз.

4 Падишалар 4:23

Акъайы исе: – Санъа онъа кетмеге не керек? Бугунь янъы ай дегиль, раатлыкъ куню де дегиль, – деди. Лякин къадын: – Эписи яхшы, – деп,

Сайылар 28:19

РАББИ ичюн атеште бутюнлей якъыладжакъ къурбан оларакъ тувардан эки бузав, бир къочкъар ве бир йыллыкъ еди къозуны кетиринъиз. Оларнынъ эписи къусурсыз олмакъ керек.

Левийлилер 1:3

Эгер адамнынъ бутюнлей якъыладжакъ къурбаны туварлардан олса, эр бир адам къурбан оларакъ къусурсыз эркек айванны кетирсин. РАББИнинъ разылыгъыны къазанмакъ ичюн, айванны Корюшюв Чадырынынъ киришине кетирип,

Левийлилер 1:9

Адам къурбаннынъ ич алетлерини ве аякъларыны сувнен ювсун, ве руханий бунынъ эписини къурбан ерининъ устюнде якъсын. Будыр – атеште бутюнлей якъыладжакъ къурбан, РАББИге хош къокъудыр.

Левийлилер 1:13

Адам къурбаннынъ ич алетлерини ве аякъларыны сувнен ювсун, ве руханий бунынъ эписини къурбан ерининъ устюнде якъсын. Будыр – атеште бутюнлей якъыладжакъ къурбан, РАББИге хош къокъудыр.

1 Падишалар 9:12

Къызлар исе: – Бар, ана о, сизинъ огюнъизде. О, бугунь шеэрге кельди. Лякин ашыкъынъыз. Шимди халкъ ибадет тёпесинде къурбан чаладжакъ.

2 Тарих вакъиалары 8:13

Муса буюргъаны киби, о, эм де эр кунь керекли къурбанларны, эм де эр раатлыкъ куню, эм де янъы ай догъгъан куньлеринде, эм де йылда учь кере: Маясыз Пишкен Пите Байрамында, Афталар Байрамында ве Чалашлар Байрамы куньлеринде бутюнлей якъыладжакъ къурбанларны кетире эди.

Ехезкель 46:7

Эр бузав ве къочкъарнен берабер ашлыкъ бахшышы оларакъ ярым чувал ун берсин, къозулар ичюн исе ашлыкъ бахшышы оларакъ берип олгъаны къадар ун берсин. Эр ярым чувал уннен эки чанакъ зейтюн ягъы олсун.

Амос 8:5

Сизлер айтасыз: – Янъы ай тездже кечсин! Биз ашлыгъымызны сатмагъа истеймиз! Раатлыкъ куню тездже кечсин! Богъдайымызны сатувгъа чыкъараджакъмыз, ольчюни уфакълаштыраджакъмыз, фиятыны арттыраджакъмыз, ялан ташларны къулланып алдатаджакъмыз.

2 Тарих вакъиалары 2:3

Сонъ Сулейман Тир падишасы Хурамгъа адам ёллап шойле деди: «Сен бабам Давуткъа эв къурмагъа кедрлер йибердинъ. Онъа ярдым эткенинъ киби, манъа да ярдым эт.

Зебур 81:4

Фукъаре ве факъырны къорчаланъыз, ярамайларнынъ къолундан азат этинъиз оларны!