26 Белам джевап берип: – РАББИ не десе, оны япаджагъымны айтмадыммы санъа? – деди Балакъкъа.
Пётр ве башкъа эльчилер джевап берип: – Адамлардан эвель Аллагъа бойсунмакъ керек.
Белам Балакънынъ къулларына бойле джевап берди: – Балакъ манъа кумюшке ве алтынгъа толу озь эвини берсе биле, Аллам РАББИнинъ буюргъаныны бозмагъа, озь истегимнен кичик я да буюк ич бир шей япып оламам.
Сонъ Микъая: – Тири РАББИнен ант этем! Мен тек Аллам манъа айтаджагъыны айтаджагъым, – деди.
– Мына, шимди мен санъа кельдим, – деди Белам Балакъкъа. – Лякин озюмден бир шей айтып олурыммы? Алла манъа нени айтса, оны айтаджагъым.
Микъая исе: – Тири РАББИнен ант этем! РАББИ манъа айткъаныны айтаджагъым, – деди.
О вакъыт Балакъ Беламгъа: – Не оларны къаргъа, не де оларгъа яхшылыкъ тиле, – деди.
– Юр, мен сени башкъа бир ерге алып барайым. Бельки, Аллагъа хош келир, андан меним ичюн оларны къаргъарсынъ, – деди Балакъ Беламгъа.
Сонъ Белам Балакъкъа: – Бутюнлей якъыладжакъ къурбанынънынъ янында бекле. Мен барайым, бельки РАББИ къаршыма чыкъар. О, манъа ачаджагъыны санъа бильдереджегим, – деди ве юксек бир ерге чыкъты.
Белам къайтты. Иште, Балакъ бутюнлей якъыладжакъ къурбан янында турмакъта, ве Моав башлыкълары онынъ янындадыр. Балакъ онъа: – РАББИ не айтты? – деди.