Сайылар 21:13 - Мукъаддес Китап

¹³ Андан чыкъып, ордуларыны Арноннынъ башкъа тарафында сахрада ерлештирдилер. Анда шу озен аморлыларнынъ топрагъындан тыш акъа. Арнон озени – Моавнынъ кенарыдыр, озен Моав ве аморлылар арасында акъа.

Сайылар 21:13 Referans Kwoze

Къадылар 11:18

Сонъ олар Эдом ве Моавны кечмейип, сахрадан кеттилер. Моавнынъ шаркъындан кечип, Арноннынъ артында ордусыны ерлештирдилер. Лякин Моавнынъ сынъырларына кирмедилер. (Арнон исе Моавнынъ сынъыры.)

Сайылар 22:36

Балакъ Беламнынъ кельгенини эшитип, оны къаршыламакъ ичюн, Арнон ялысында, сынъырнынъ узакъ кошесинде ерлешкен моавлыларнынъ шеэрине кетти.

Йирмея 48:20

Моав масхара олды, харапланды. Аджджы-аджджы агъланъыз, Моавнынъ йыкъылгъаны акъкъында Арнон вадийинде илян этинъиз.

Ешая 16:2

Арнон дерьясынынъ сай ерлеринде Моав къызлары – ювасындан атылгъан, эвсиз къушлар киби оладжакълар.

Къануннынъ текрары 2:24

«Турунъыз ве ёлгъа чыкъып, Арнон дерьясыны кечинъиз. Мына, Мен Хешбоннынъ падишасы олгъан аморлы Сихонны ве онынъ топрагъыны сенинъ къолунъа бердим. Онен дженкни башлап, ернинъ саиби ол.

Сайылар 21:14

Онынъ ичюн РАББИнинъ дженклери китабында бойле язылгъандыр:

Къануннынъ текрары 2:13

РАББИ: «Энди барып, Зеред вадийини кечинъиз», – деди, ве бизлер Зеред вадийини кечтик.

Къануннынъ текрары 2:18

«Бугунь Моав топрагъына кирип, Ар шеэрининъ янындан кечеджексинъ.