Сайылар 18:2 - Мукъаддес Китап

² Сенинъ агъа-къардашларынъ, Левий къабилеси, баба-деденънинъ сою сенинъ янынъда олсунлар. Олар санъа къошулсынлар ве санъа хызмет этсинлер. Сен ве огъулларынъ исе Шаатлыкъ Чадырында хызмет этинъиз.

Сайылар 18:2 Referans Kwoze

Башланув 29:34

Кене юклю олып, огълан бала тапты ве: «Энди акъайым манъа япышыр, чюнки мен онъа учь огълан таптым», – деди. Бунынъ ичюн онынъ адыны Левий къойды.

Ехезкель 44:15

Исраиллилер Менден вазгечкенде, Цадокънынъ союндан олгъан левийли руханийлер исе Азиз Еримде хызмет этмеге девам эттилер. Шунынъ ичюн олар Манъа якъынлашып, хызмет этеджеклер, Меним огюмде турып, Манъа къурбанларнынъ ягъларыны ве къанларыны кетиреджеклер, – дей РАББИ-ТААЛЯ.

2 Тарих вакъиалары 30:16

Алланынъ адамы олгъан Мусанынъ Къануны боюнджа, тертибине коре озь ерлерине турдылар. Руханийлер исе левийлилернинъ къолундан къурбан къаныны алып, оны септилер.

Сайылар 18:4

Олар санъа къошулсын ве Корюшюв Чадырынен багълы бутюн хызметлерни беджерсинлер, Чадырда эр бир ишни япсынлар. Башкъа ич кимсе сизге якъынлашмасын.

Сайылар 17:7

Муса таякъларны Корюшюв Чадырына РАББИнинъ огюне къойды.

Сайылар 16:40

Исраиль огъулларына бу, хатырлатув олды: Харуннынъ эвлятларындан гъайры башкъа ич кимсе РАББИнинъ огюнде къокъулы отларны якъмагъа якъынлашмасын. Ёкъса, РАББИ Мусагъа айткъанына коре Къорахнен ве аркъадашларынен олгъан шей шу адамнен де оладжакътыр.

Сайылар 8:22

Бундан сонъ левийлилер Харуннынъ ве огъулларынынъ башлыгъында озь хызметлерини япмагъа Корюшюв Чадырына кирдилер. РАББИ Мусагъа левийлилер акъкъында буюргъаны киби, олар ойле де яптылар.

Сайылар 8:19

Сонъ Исраиль огъулларынынъ арасындан Мен левийлилерни Харунгъа ве онынъ огъулларына бутюнлей бердим, олар Исраиль огъуллары ерине Корюшюв Чадырында хызмет этсинлер ве Исраиль огъуллары ичюн одеме этсинлер. О вакъыт, Исраиль огъуллары Мукъаддес Ерге якъынлашкъанда, оларнынъ башларына беля тюшмейджек.

Сайылар 4:15

Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Еудийлерге 9:6

Эр шей бойле азырлангъанда, руханийлер озь вакътына Чадырнынъ биринджи болюгине кирип, ибадет этелер.

Сайылар 1:53

Исраиль огъулларына къаршы гъазап олмасын деп, левийлилер озь ордусыны Шаатлыкъ Мескенининъ этрафында ерлештирсинлер ве Шаатлыкъ Мескенини къаравулласынлар.

Сайылар 3:5

РАББИ Мусагъа бойле деди:

Ехезкель 44:11

Олар Азиз Еримде хызмет этеджеклер, Эвнинъ къапуларында къаравул тураджакълар, Эв ишлерини япаджакълар. Олар халкънынъ бутюнлей якъыладжакъ ве башкъа къурбанларны сояджакълар, халкънынъ огюнде турып, оларгъа хызмет этеджеклер.

Малакий 2:4

О вакъыт сиз билирсинъиз ки, левийлилерге берген васиетим турсун деп, Мен сизге бу эмирни бердим, – дей Ордуларнынъ РАББИси.