Сайылар 17:10 - Мукъаддес Китап

¹⁰ РАББИ Мусагъа: – Харуннынъ таягъыны кене Шаатлыкъ огюне къой. О, сакълансын ве Манъа къаршы чыкъкъанларгъа бельги олсун. Сонъ олар Манъа къаршы шикяет этмейджек ве шунынъ ичюн ольмейджеклер, – деди.

Сайылар 17:10 Referans Kwoze

Еудийлерге 9:4

Бу ерде къокъулы отлар якъыладжакъ алтын ер, эм де эр тарафы алтыннен къаплангъан Васиет Сандыгъы бар эди. Онынъ ичинде манна къоюлгъан алтын чанакъ, Харуннынъ чечек ачкъан таягъы ве Васиет сёзлеринен таш левалары бар эди.

Эфеслилерге 5:6

Ич кимсе сизлерни бош сёзлернен алдатмасын; бу шейлер ичюн сёз динълемегенлернинъ башына Алланынъ гъазабы келеджек.

Ешая 1:2

Эй, коклер, динъленъиз! Эй, ер юзю, къулакъ ас! РАББИ бойле дей: – Мен огъулларымны тербиелеп осьтюрдим, олар исе Манъа къаршы чыкътылар.

Зебур 57:4

Ярамайлар догъулгъандан берли ёлдан урулдылар, анасынынъ къурсагъындан чыкъкъанынен, олар яланджыдыр, янълыш ёлнен кетелер.

1 Падишалар 30:22

Сонъ Давутнен кеткен бир къач яман ве бир шейге ярамайджакъ адамлар: – Олар бизнен берабер кетмегенлери ичюн, айды, оларгъа авдан бир шей бермейик, тек озьлерининъ къадын ве балаларыны алсынлар да кетсинлер, – дедилер.

1 Падишалар 2:12

Элийнинъ огъуллары ярамай адамлар эди, РАББИни урьмет этмей,

Къануннынъ текрары 9:24

Мен сизни бильген куньден башлап, сиз РАББИге къаршы чыкъа эдинъиз.

Сайылар 16:40

Исраиль огъулларына бу, хатырлатув олды: Харуннынъ эвлятларындан гъайры башкъа ич кимсе РАББИнинъ огюнде къокъулы отларны якъмагъа якъынлашмасын. Ёкъса, РАББИ Мусагъа айткъанына коре Къорахнен ве аркъадашларынен олгъан шей шу адамнен де оладжакътыр.

Сайылар 16:38

шу гунакярларнынъ олюминен азиз этильдилер. Оларны япракъ-япракъ эзип дёгсюнлер ве къурбан ерини къапласынлар. Олар РАББИнинъ огюне кетирильдилер ве азиз олдылар. Олар Исраиль огъуллары ичюн бир бельги олсун.

Чыкъыш 16:32

Муса: – РАББИнинъ эмир эткени будыр: «Сизни Мысыр топрагъындан чыкъаргъан сонъ, Мен сахрада сизге ашаткъан ашны корьсюнлер деп, несилинъизге сакъламакъ ичюн, маннагъа бир чанакъны толдурынъыз», – деди.

Хошеа 10:9

Эй, Исраиль, Гива куньлеринъден башлап, сен чокъ гуна яптынъ. Ойле де къалдынъ. Амма Гивада гунакярларгъа къаршы дженк башларына тюшмедими?

1 Коринтлилерге 10:10

Шикяет этменъиз. Олардан базылары шикяет эттилер, ве ёкъ этиджи оларны ольдюрди.

Чыкъыш 16:34

РАББИ Мусагъа эмир эткени киби, Харун, оны сакъламакъ ичюн, Шаатлыкъ огюне къойды.

Сайылар 17:4

Таякъларны Корюшюв Чадырында, Шаатлыкъ огюне къой. Анда Мен сизнен корюшеджегим.

Сайылар 17:9

Муса бутюн таякъларны РАББИнинъ огюнден чыкъарып, эписи Исраиль огъулларына косьтерди. Олар таякъларгъа бакъты, эр бири озь таягъыны алды.

Сайылар 17:11

Муса буны япты. РАББИ онъа буюргъаны киби, Муса ойле де япты.

Сайылар 20:9

РАББИ буюргъаны киби, Муса таякъны алды ве РАББИнинъ огюнден кетти.

Къануннынъ текрары 9:7

Сахрада Алланъ олгъан РАББИни не къадар чокъ ачувландыргъанынъны унутма, шуны акъылынъда тут. Мысыр топрагъындан чыкъкъан куньден башлап бу ерге кельгендже сиз РАББИге къаршы чыкъа эдинъиз.

Сайылар 4:18

– Кехат сойларынынъ къабилесине левийлилернинъ арасындан ёкъ олмагъа ёл берменъиз.

Сайылар 14:5

О вакъыт Муса ве Харун Исраиль огъулларынынъ джемаатынынъ топлашувы огюне бетлеринен ерге тюштилер.

Сайылар 16:21

– Бу джемааттан айырылынъыз. Мен оларны бир ань ичинде ёкъ этерим, – деди.