Сайылар 1:46 - Мукъаддес Китап

⁴⁶ Эписи сайылгъанлар 603 550 адам эди.

Сайылар 1:46 Referans Kwoze

Сайылар 26:51

Сайылгъан Исраиль огъулларынынъ эписи – 601 730 адам.

Чыкъыш 38:26

Оны 20 яшындан буюк олгъан, саювгъа тюшкен 603 550 адамдан джыйгъан эдилер, бир адам башына, мукъаддес шекель чекисине коре, беш грамм.

Чыкъыш 12:37

Сонъ Исраиль огъуллары Раамсес шеэринден Сукъкъот деген ерге ёл алдылар. Оларнынъ сайысы, къадынлар ве балалардан гъайры, 600 000-ге якъын джаяв кеткен акъайлар эди.

Сайылар 2:32

Къоранталарына коре сайылгъан Исраиль огъуллары булардыр. Ордуларда сайылгъан аскерлер, болюклерине коре, эписи олып, 603 550 адам.

2 Тарих вакъиалары 13:3

Авия ордусынен дженкке киришти. Онынъ ордусында 400 000 энъ яхшы аскер, джесюр къараманлар бар эди. Еровоам онъа къаршы 800 000 аскернен чыкъты. Олар энъ яхшы, джесюр къараманлар эдилер.

1 Тарих вакъиалары 21:5

Ёав Давуткъа халкънынъ сайысы язылгъан джедвельни берди. Исраиллилернинъ 1 100 000 кучьлю, дженклеше биледжек акъайлары, ехудалыларнынъ исе 470 000 аскери олгъаны белли олды.

3 Падишалар 4:20

Денъиз ялысындаки къум киби чокълашкъан Ехуда ве Исраиль адамлары ашай-иче ве шенълене эди.

2 Падишалар 24:9

Ёав падишагъа халкънынъ сайысы язылгъан джедвельни берди. Исраиллилернинъ 800 000 кучьлю, дженклеше биледжек акъайлары, Ехуданынъ исе 500 000 акъайы олгъаны белли олды.

Къануннынъ текрары 10:22

Баба-деделеринъ Мысыргъа 70 джан олып кельген эди. Шимди исе Алланъ олгъан РАББИ сени кок йылдызлары киби чокъ сайылы япты!

Сайылар 23:10

Ким Якъупнынъ тозуны, Исраильнинъ дёртте бирини сайып олур? Инсафлы адамнынъ олюминен олейим, сонъум оларнынъки киби олсун!

Башланув 28:14

Эвлятларынъ топракъ тозу дайын чокъ сайылы оладжакъ, гъарп ве шаркъкъа, шималь ве дженюпке даркъалып яшайджакъ. Сенинъ ярдымынънен ве эвлятларынънынъ ярдымынен бутюн ер юзюндеки халкъларны багъышларым.

Башланув 26:3

Бу мемлекет бою долашып юр. Мен сеннен олурым ве сени багъышларым: санъа ве сенинъ эвлятларынъа эписи бу топракъларны берерим ве бабанъ Ибраимге берген антымны ерине кетиририм.

Башланув 22:17

санъа мытлакъа бол эйиликни берерим, эвлятларынъны кок йылдызлары дайын, денъиз ялысындаки къум дайын, мытлакъа чокъ сайылы этерим. Сенинъ эвлятларынъ душманларыны енъеджеклер ве бойсундыраджакълар.

Башланув 17:6

Сенинъ бала-чагъанъны чокъ сайылы этерим. Сенден халкълар асыл олурлар. Сенден падишалар да асыл оладжакълар!

Башланув 15:5

РАББИ Ибрамны чадырдан чыкъарды ве онъа: – Кокке бакъып, йылдызларны сай: сайып оладжакъсынъмы? – деди. – Эвлятларынъ да бойле оладжакътыр!

Башланув 13:16

Сенинъ эвлятларынъны Мен тоз дайын чокъ сайылы этерим: ер юзюнде тоз данелерини саймагъа имкян олмагъаны дайын, эвлятларынъны да саймагъа чареси олмаз.

Башланув 12:2

Мен сенден буюк халкъ асыл этерим, сени багъышларым, адынъны намлы этерим. Сен озюнъ Алланынъ бахшышы ол!

Сайылар 1:45

Къоранталарына коре эписи исраиллилер, йигирми ве йигирми яшындан буюк олгъанлар ве дженкке ярагъанлар сайылды.

Сайылар 14:29

Сиз бу сахрада оледжексинъиз. Манъа къаршы шикяет эткен, йигирми ве даа буюк яшта сайылгъанлар, эр бир джедвельде язылгъанлар, эр кес сахрада оледжеклер.

Сайылар 11:21

Муса бойле деди: – Меним халкъымнынъ арасында 600 000 джаяв юрген акъай бардыр, Сен исе: «Мен оларгъа эт берерим де, олар оны бир ай девамында ашарлар», – дейсинъ.