Сайылар 1:32 - Мукъаддес Китап

³² Юсуфнынъ огъуллары, Эфраим огъуллары – несиллерине, сойларына ве къоранталарына коре, бирер-бирер язылгъан адамларнынъ адларына коре, йигирми ве йигирми яшындан буюк олгъанлар, дженкке ярагъан акъайларнынъ эписи, –

Сайылар 1:32 Referans Kwoze

Къануннынъ текрары 33:17

Онынъ биринджи догъгъан бугъасы – онынъ сайгъысы, бойнузлары – кийик бугъанынъ бойнузлары киби, оларнен о, ернинъ башкъа четинедже олгъан халкъларны тюртеджек. Бу – Эфраимнинъ он бинълери ве Менашшенинъ бинълеридир.

Башланув 46:20

Мысыр топрагъында Юсуфнынъ Менашше ве Эфраим огъуллары догъдылар. Оларны онъа Поти-Пера деген Он шеэриндеки баш руханийнинъ Аснат къызы тапты.

Башланув 30:24

Рахель баланынъ адыны Юсуф къойды ве: – РАББИ манъа даа бир огълан бала берсин, – деди.

Сайылар 1:31

Зевулун къабилесинде 57 400 адам сайылды.

Сайылар 1:33

Эфраим къабилесинде 40 500 адам сайылды.

Къануннынъ текрары 33:13

Юсуф къабилесине шай деди: – РАББИ онынъ топрагъына коклернинъ, чыкъларнынъ ве ашагъыда акъкъан сувларнынъ энъ яхшы берекетини берсин,

Йирмея 7:15

эписи къардашларынъыздан, Эфраимнинъ бутюн эвлятларындан насыл вазгечкен олсам, сизлерден де вазгечеджегим.

Овадья 1:19

Негевде яшагъан халкъ Исавнынъ дагъларыны тартып аладжакъ, Шефелада яшагъанлар Фелестин топрагъыны запт этеджек. Олар Эфраим ве Самарие топракъларыны басып аладжакълар. Биньямин Гиладнынъ сабысы оладжакъ.