Римлилерге 8:1 - Мукъаддес Китап

¹ Бойледже, Иса Месихнен бир олгъанларгъа гуналары ичюн джеза олмайджакъ.

Римлилерге 8:1 Referans Kwoze

2 Коринтлилерге 5:17

Демек, Месихке инангъан адам – янъы яратылгъан инсандыр. Эски олгъаны ёкъ олды, энди янъы олгъаны пейда олды.

Галатиядакилерге 3:13

Месих биз ичюн лянет олды ве бизни Къанун лянетинден сатын алып къуртарды. Бу акъта язылгъан ки, теректе эр бир асылып къалдырылгъан адам лянетлидир.

Римлилерге 5:1

Иманымыз ичюн акъланып, Раббимиз Иса Месихнинъ ярдымынен бизим Алланен арамызда тынчлыкъ-аманлыкъ кельди.

1 Коринтлилерге 1:30

Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды.

Римлилерге 8:34

Оларны ич кимсе де джезагъа укюм этип олмаз, чюнки бизни ольген, лякин тирильген ве Алланынъ онъ тарафында булунгъан Иса Месих къорчалай.

Юхан 5:24

Сизге керчектен догърусыны айтам: Меним сёзлеримни динълеген ве Мени Ёллагъангъа иман эткен адам эбедий аятны ала. О, суд этильмейджек, лякин энди олюмден аяткъа кечкендир.

Юхан 15:4

Менде олунъыз, Мен де сизде оладжагъым. Асмада къалмагъан пытакъ озь-озюнден мейва берип оламай; сиз Менде къалмасанъыз, мейва берип оламазсыз.

Ешая 54:17

Санъа къаршы ич бир япылгъан силя енъиш къазанмайджакъ, судда сеннен давалашкъан эр кимни къабаатлайджакъсынъ. РАББИ къулларынынъ къысмети бойледир, оларны Мен акълайджагъым, – дей РАББИ.

Римлилерге 8:14

Алланынъ Рухунен юргенлернинъ эписи – Алланынъ огъулларыдыр.

1 Коринтлилерге 15:22

Адемге къошулып, эр бир адам оле. Ойле де, Месихке къошулып, эр бир адам тириледжек.

Галатиядакилерге 5:16

Мен шуны айтам: Рухнынъ истегинен яшанъыз, о вакъыт беденинъизнинъ яман истеклерини беджермезсиз.

Римлилерге 8:4

Бойле этип, энди биз беденге коре дегиль, Рухкъа коре яшагъан адамлар олып, Къануннынъ адалетли буюргъанларыны беджерейик.

Галатиядакилерге 5:25

Эгер биз Рухнынъ истегинен яшасакъ, Рухнынъ истегинен арекет этейик.

Галатиядакилерге 3:28

Шимди не еудий бар не юнан, не къул бар не азат, не эркек бар не къадын. Иса Месихте сиз эпинъиз – бирсинъиз.

Юхан 14:20

Шу куню биледжексиз ки, Мен Бабамда, сиз Менде ве Мен сизде олам.

Римлилерге 7:20

Эгер истемеген ишни япсам, бу ишни мен озюм дегиль, ичимде яшагъан гуна япа.

Римлилерге 7:17

Лякин бу ишлерни мен озюм дегиль, ичимде яшагъан гуна япа.

2 Коринтлилерге 12:2

Мен Месихке инангъан бир адамны билем. Он дёрт йыл эвельси о адам ерден учюнджи кокке къадар апансыздан алынды. О, бедендеми, беденден тыш эдими, бильмейим, Алла биле.

Римлилерге 16:7

Меним сойдашларыма, меннен берабер тюрьмеде яткъан, эльчилер арасында белли олгъан, Месихке менден эвель иман эткен Андроник ве Юниягъа селям этинъиз.

Римлилерге 16:3

Меннен берабер Иса Месихке хызмет эткен Приска ве Акилагъа селям этинъиз.

Ехезкель 18:9

Меним низамнамелеримни тутса ве къарарларымны гъайретнен беджерсе, бойле киши догърудыр, шубесиз, о киши яшайджакъ, – дей РАББИ-ТААЛЯ.

Римлилерге 5:16

Амма бир адамнен пейда олгъан гуна бахшыш дегиль. Бир тарафтан, бир гуна суднен джезаны кетире, башкъа тарафтан, чокъ гуна эйиликнинъ ярдымынен акъланувны кетире.

Римлилерге 8:2

Гуна ве олюм къанунындан сени Иса Месихнен яшайыш берген Рухнынъ къануны къуртарды.

Римлилерге 8:9

Сизлер исе беден истеклерине коре дегиль, Алланынъ Рухуна коре яшайсыз, чюнки ичинъизде Алланынъ Руху булуна. Кимде Месихнинъ Руху олмаса, о, Месихнинъ дегиль.

Римлилерге 8:11

Ичинъизде Иса Месихни Тирильткеннинъ Руху булунса, Месихни олюлерден тирильткен Алла ичинъиздеки Озь Рухунынъ къудретинде сизинъ оледжек беденлеринъизни де тирильтеджек.

Галатиядакилерге 3:26

Шунынънен, Иса Месихке иманынъыз ичюн, сизлер эпинъиз – Алланынъ огъулларысынъыз.

Эфеслилерге 1:1

Павел, Алланынъ истегенинен Иса Месихнинъ эльчиси, – Эфес шеэриндеки азизлерге ве Иса Месихке инангъанларгъа: