Римлилерге 1:16 - Мукъаддес Китап

¹⁶ Мен Къуванчлы Хаберден утанмайым. О – Алланынъ къудретидир, онынъ ярдымынен эписи инангъанлар: биринджиден еудийлер, сонъ башкъа халкълар, – къуртулышны тапалар.

Римлилерге 1:16 Referans Kwoze

Марк 8:38

Ким бу ороспу ве гунакяр несиль арасында Менден ве Меним сёзлеримден утанса, Инсан Огълу да, Алланынъ мукъаддес мелеклеринен берабер Бабасынынъ Шурети иле кельгенде, ондан утаныр, – деди.

2 Тимотейге 1:8

Бойлеликнен, Раббимиз акъкъында шаатлыкъ этмектен ве менден, Онынъ мабюсинден утанма. Амма Алла берген кучь-къуветнен Яхшы Хабер ичюн азапларгъа даян.

1 Пётр 4:16

Амма сизлерден ким месихчи олгъаны ичюн азап чексе, утанмасын, аксине, бойле ад ичюн Алланы шуретлесин.

2 Тимотейге 1:12

Шу себептен бу азапларны чекем. Амма мен утанмайым. Кимге инангъанымны билем; эминим ки, манъа залог оларакъ берильген ишни о куньге къадар сакъламагъа Онынъ кучю бар.

Лука 9:26

Ким Менден ве Меним сёзлеримден утанса, Инсан Огълу да, Озюнинъ шерефи иле, Бабасынынъ шерефи иле ве мукъаддес мелеклернинъ шерефи иле кельгенде, ондан утаныр.

2 Коринтлилерге 4:4

чюнки имансызларнынъ акъылларындан Хаберни анъламагъа къабилиетини бу дюньянынъ алласы хырсызлады, ве олар Месихнинъ шурети акъкъында Къуванчлы Хабернинъ ярыгъыны корип оламайлар. Месих исе – Алланынъ къыяфетидир,

1 Коринтлилерге 2:4

Акъыллы, къандыргъан сёзлернен огретмей эдим, лякин Рухнынъ къудретинен огрете эдим,

1 Коринтлилерге 2:2

Амма аранъызда олгъанда, мен Иса Месихтен ве Онынъ хачкъа мыхлангъанындан башкъа эр шейни унутмагъа къарар эттим.

Римлилерге 10:17

Инанмакъ ичюн, биринджиден эшитмек керек, Месихнинъ сёзлерини эшитмектир.

Еудийлерге 4:12

Алланынъ Сёзю тири ве къудретли, эр тюрлю эки тарафлы кескин къылычтан кескиндир. О, ичине, джаннен рух айырылгъан ерге, бугъумларнен кемиклери олгъан ерге сокъулып кире ве юреклернинъ тюшюнджелерини эм ниетлерини сынап бакъа.

1 Коринтлилерге 15:2

ве, эгер меним сёзлеримни бутюнлей тутсанъыз, оларнынъ ярдымынен къуртулыш тапарсыз. Акис алда иманынъыз бошуна олур.

Йирмея 23:29

– Меним сёзюм атеш киби дегильми? Къаяларны парлагъан чёкюч киби дегильми? – дей РАББИ.

Галатиядакилерге 1:7

Аслы башкъасы ёкъ. Тек базы адамлар сизни ёлдан уралар ве Месихнинъ Къуванчлы Хаберини бозмагъа истейлер.

Римлилерге 2:9

Яманлыкъ япкъан эр бир адам, эм еудийлер, эм башкъа халкълар кедерни ве азапны къазанаджакъ.

Фаалиет 3:26

Алла, Озюнинъ къулуны тирильтип, эр биринъизни яман ишлеринъизден къайтарып, бойле яхшылыкъ япсын деп, Оны башта сизлерге ёллады.

1 Тессалоникелилерге 2:13

Шунынъ ичюн биз токътамайып Аллагъа шукюр этемиз ки, сизлер бизден Алланынъ Сёзюни эшиткенинен, оны инсан сёзю киби дегиль, Алланынъ Сёзю оларакъ къабул эттинъиз. Бу хабер акъикъатен Алланынъ Сёзюдир, ве о, сизлерде, инангъанларда, арекет эте.

Ешая 53:1

Бизим хаберимизге ким инанды? РАББИнинъ къудрети кимге ачылды?

1 Тимотейге 1:11

Бунынъ эписи Мубарек Алла манъа ишанып берген шуретли Яхшы Хаберге догъру келе.

2 Коринтлилерге 9:13

Бу хызметинъизни корип, олар Месихнинъ Къуванчлы Хаберине бойсунгъанынъыз ичюн ве башкъаларгъа берильген бол бахшышларынъыз ичюн Алланы шуретлейджек,

2 Коринтлилерге 2:12

Троас шеэрине кельгенимде, анда Рабби манъа Месихнинъ Къуванчлы Хаберини даркъатмагъа ёл ачты,

1 Коринтлилерге 9:18

Шунынъ ичюн манъа насыл мукяфат бар? Месихнинъ Къуванчлы Хаберини бедава даркъатып, ондан кельген акъкъымдан файдаланмасам, бу меним мукяфатым олур.

1 Коринтлилерге 9:12

Эгер башкъаларнынъ сизлерден файдаланмакъ акъкъы олса, бизим акъкъымыз даа чокъча дегильми? Амма биз бу акътан файдаланмадыкъ. Аксине, Месихнинъ Къуванчлы Хаберине кедер этмесин деп, эр шейге сабыр этип юремиз.

Римлилерге 15:29

Билем ки, сизге кельгенде, Месихнинъ бол бахшышыны кетиреджегим.

2 Тимотейге 1:16

Рабби Онисифорнынъ эвине мерамет этсин, чюнки о, чокъ кере меним гонълюмни алды ве зынджырларымдан утанмады,

Римлилерге 4:11

ве тек сонъра Ибраим сюннет олды, демек, инсафлыкъ бельгисини алды. Инсафлыгъы исе иманынен, сюннет олмагъан вакътында кельди. Бойле этип, Ибраим даа сюннет этильмеген, амма иман эткен эписининъ бабасы олды, ве Алла оларны да инсафлы деп сайды.

Зебур 110:2

РАББИнинъ ишлери буюктир, оларда зевкъ тапкъанларнынъ эписи оларны огренелер.

Юхан 7:35

О вакъыт еудийлер: – О къайда бараджакъ экен де, биз Оны тапалмайджакъмыз? – дедилер озьара. – Бельки О, юнанлар арасында даркъалып кеткен еудийлерге барып, юнанларны огретмеге истейдир?