Овадья 1:14 - Мукъаддес Китап

¹⁴ Ёл чатышмаларында турмагъа ве къачмагъа тырышкъанларны ольдюрмеге санъа керекмей эди, онынъ агъыр кунюнде сагъ къалгъанларны душманнынъ къолуна бермегейдинъ.

Овадья 1:14 Referans Kwoze

Овадья 1:12

Къардашынъ белягъа огърагъан куню онъа къара къуванчнен бакъмагъайдынъ; Ехуда огъуллары ёкъ этильген куню кульмегейдинъ; онынъ агъыр кунюнде агъыз кермегейдинъ.

Амос 1:9

РАББИ бойле дей: – Гуна устюне гуна къазангъанлары ичюн, Тир шеэринде яшагъанларны мытлакъа джезалайджагъым. Чюнки олар эписи сюргюн этильгенлерни эдомлыларнынъ къолларына берди, достлукъ мунасебетлерини акъылгъа кетирмеди.

Амос 1:6

РАББИ бойле дей: – Гуна устюне гуна къазангъанлары ичюн, Гъазада яшагъанларны мытлакъа джезалайджагъым. Чюнки олар бутюн халкъны сюргюн этти ве эдомлыларнынъ къолларына берди.

Йирмея 30:7

Ах, беля! О кунь буюктир! Онъа ошагъан кунь ёкъ! Якъуп ичюн бу сыкъынты заман! Амма о, ондан къуртуладжакъ!

Ешая 37:3

Олар келип, бойле дедилер: – Хизкия шойле дей: «Бу кунь – сыкъынты, джеза ве масхаралыкъ куню. Балаларнынъ догъаджакъ вакъты кельди, амма догъурмагъа кучь ёкъ.

Зебур 31:8

«Мен санъа акъыл огретеджегим, юреджек ёлунъны косьтереджегим. Козюм сенинъ устюнъде олып, Мен санъа ёлбашчылыкъ япаджагъым», – дединъ.

Башланув 35:3

Биз Бет-Эльге кетермиз. Анда башым белягъа къалгъанда манъа джевап берген ве мен юрген ёлларда янымда олгъан Аллагъа къурбан ери япаджагъым.

Матта 22:9

Ёллар айырылгъан ерлерге барып, кимни расткетирсенъиз, тойгъа чагъырынъыз», – деп буюра.

Ешая 16:3

«Огют беринъиз, къарар чыкъарынъыз, уйле сыджагъында терек талдасы къорчалагъан дайын, бизни белядан къорчала, къувалангъанларны сакъла, къачакъларны сатма.

Ешая 16:4

Къувалангъан моавлыларым сеннен берабер яшасын, оларны залымлардан сакъла». Залымнынъ сонъу келеджек, зулум битеджек, чекиштиргенлер ер юзюнден гъайып оладжакъ.