Нехемья 7:65 - Мукъаддес Китап

⁶⁵ Аким оларгъа, Ур ве Тум алетлери олгъан руханий кельмегендже, азизликлерни ашамагъа разылыкъ бермеди.

Нехемья 7:65 Referans Kwoze

Нехемья 8:9

Бутюн халкъ Къануннынъ сёзлерини динълеп агълап башлады. Нехемья аким, руханий ве кятип олгъан Узеир ве халкъны огреткен левийлилер бутюн халкъкъа: – Бу кунь Алланъыз РАББИ ичюн азиз бир куньдир. Къасевет этменъиз ве агъламанъыз, – дедилер.

Чыкъыш 28:30

Махкеме кокректеки торбасына Ур ве Тум алетлерини къой, ве олар, Харун РАББИнинъ огюне Мукъаддес Ерге киргенде, онынъ юреги янында олурлар. Бойлеликнен, Харун РАББИнинъ огюнде, юреги янында даима Исраиль огъулларынынъ махкеме алетлерини ташыйджакъ.

Нехемья 10:1

Озь муурьлерини баскъанлар: Хакальянынъ огълу Нехемья аким ве Цидкия,

Узеир 2:63

Аким оларгъа, Ур ве Тум алетлери олгъан руханий кельмегендже, азизликлерни ашамагъа разылыкъ бермеди.

Къануннынъ текрары 33:8

Левий къабилесине шай деди: – Тум ве Ур алетлери сенинъ инсафлы адамынъдадыр. Сен оны Масса еринде сынадынъ, Мерива сувлары янында онен давалаштынъ.

Сайылар 27:21

О, руханий Элазарнынъ огюнде турсун ве Ур алетлери ярдымынен РАББИнинъ огюнде чыкъкъан къарар акъкъында сорасын. Онынъ сёзюне коре о ве Исраиль огъулларынынъ эписи, бутюн джемаат эр бир шейни башласынлар ве эр бир шейни битирсинлер.

Левийлилер 6:17

Оны экши хамырдан япмагъа олмаз. Буны Мен атеште якъыладжакъ къурбанларымдан оларгъа пай оларакъ айырдым. Бу – гуна ичюн къурбан ве къабаат ичюн къурбан киби, улу азизликтир.

Левийлилер 2:10

Ашлыкъ бахшышындан къалгъаны Харунгъа ве огъулларына олсун. Бу – атеште якъыладжакъ РАББИнинъ бахшышларындан улу азизликтир.

Левийлилер 2:3

Ашлыкъ бахшышындан къалгъаны Харунгъа ве огъулларына олсун: бу – атеште якъыладжакъ РАББИнинъ бахшышларындан улу азизликтир.

Левийлилер 8:8

Эфоднынъ устюнден кокректеки торбаны кийдирди ве торбанынъ ичине Ур ве Тум алетлерини къойды.

Нехемья 7:64

Олар несиллер джедвелинде озь сойлары акъкъында язувны къыдырдылар, амма тапып оламадылар. Шунынъ ичюн олар руханийлер сырасындан чыкъарылдылар.

Нехемья 7:66

Бутюн джемаат эписи оларакъ 42 360 адам эди.

Нехемья 7:70

Къоранталарнынъ базы башлыкълары къуруджылыкъ ишлерине пара бердилер. Аким хазинеге 1 000 алтын пара, 50 дане чанакъ ве 530 руханий урбасы багъышлады.