Нехемья 4:10 - Мукъаддес Китап

¹⁰ О вакъытта ехудалылар дедилер: – Юк ташыгъанларнынъ кучю къалмады, чёплюк исе даа чокъ. Диварны къурмагъа чаремиз ёкъ.

Нехемья 4:10 Referans Kwoze

Хагъгъай 1:2

Бу – Ордулар РАББИсининъ сёзлери: – Шу халкъ: «РАББИнинъ Эвини гъайрыдан къурмагъа вакъыт даа кельмеди», – деди.

Ехезкель 29:18

– Инсан огълу! Вавилон падишасы Невукъаднеццар Тир шеэрини алкъагъа алгъанда, озь ордусыны чокъ къыйнады: эписининъ башы таз олды, агъыр иштен омузларынынъ териси сыдырылды. Амма не озю, не де ордусы агъыр эмеги ичюн Тирден бир къазанч корьмедилер.

2 Тарих вакъиалары 2:18

Оларнынъ арасындан о, 70 000 юк ташыйыджы ве дагъларда таш кескен 80 000 ишчи айырды ве оларнынъ ишини козетеджек 3 600 киши сайлады.

Сайылар 32:9

Олар Эшкъол вадийине къадар кеттилер, топракъны корьдилер, лякин Исраиль огъулларыны рухтан тюшюрдилер, ве олар РАББИнинъ оларгъа берген топрагъына кетмедилер.

Сайылар 13:31

Къалев Мусанынъ огюнде халкъны сустурып: – Келинъиз, бу топракъны басып алайыкъ! Биз буны шубесиз япып олурмыз, – деди.

2 Тарих вакъиалары 34:13

юк ташыйыджыларнынъ башында олдылар ве эр бир иште чалышкъан ишчилернинъ ишини козете эдилер. Левийлилернинъ базылары языджылар, реберлер ве къапуджылар эди.

Нехемья 4:2

О, къардашларынынъ огюнде ве Самарие аскерлерининъ огюнде: – Бу заваллы ехудалылар не япалар я? Оларгъа разылыкъ берилирми? Олар къурбан чаларлармы? Бир куньде битирирлерми? Шу куль обалары арасындан якъылгъан ташларны джанландырырлармы? – дей эди.

Нехемья 4:9

Бизлер исе Алламызгъа дувалар эттик, гедже-куньдюз олардан къуртулмакъ ичюн, къаравуллар къойдыкъ.

Нехемья 4:11

Душманларымыз исе: – Олар бильмезлер де, корьмезлер де, биз бир кереден араларына кирип, оларнынъ эписини ольдюрирмиз, ишлерини де токътатырмыз, – дедилер.