Нехемья 13:23 - Мукъаддес Китап

²³ Шу куньлерде ехудалылар кене ашдодлы, аммонлы ве моавлы къызларгъа эвленгенлерини корьдим.

Нехемья 13:23 Referans Kwoze

Нехемья 10:30

– Мемлекетнинъ башкъа халкъларына къызларымызны бермемеге ве оларнынъ къызларыны огъулларымызгъа алмамагъа сёз беремиз.

Узеир 10:10

Узеир руханий турды да, оларгъа шойле деди: – Сизлер ят апай алып, имансыз шей яптынъыз ве Исраиль къабаатларыны даа да зияде эттинъиз.

2 Коринтлилерге 6:14

Имансызларнен берабер бир боюндырыкъ тюбюне кирменъиз. Инсафлыкънен къанунсызлыкъ арасында насыл алякъа бар? Ярыкънен къаранлыкъ арасында насыл бирлик олмакъ мумкюн?

Нехемья 13:1

Шу куню халкъкъа сес чыкъарып Мусанынъ Китабы окъулды, ве онда аммонлылар ве моавлылар ич бир вакъыт Алланынъ джемаатына кирип оламайджагъы акъкъында язылгъаны ачылды.

Узеир 10:44

Булар эписи ят апайларгъа эвленген эдилер, базыларынынъ балалары да догъулгъан эди.

Нехемья 4:7

Санбаллат, Товья, араплар, аммонлылар ве ашдодлылар Ерусалим диварларынынъ тикленгени акъкъында, диварнынъ тешиклери къапатылгъаны акъкъында хабер алып, пек ачувландылар.

1 Падишалар 5:1

Фелестинлилер Алланынъ Сандыгъыны алдылар ве оны Эвен-Хаэзерден Ашдодгъа кетирдилер.

Чыкъыш 34:11

Санъа шимди эмир эткенлеримни тут! Мына, Мен сенден аморлыларны, ханаанлыларны, хитлилерни, перизлилерни, хивлилерни ве евуслыларны къувам.

Къануннынъ текрары 7:1

Топракънынъ саиплери олмакъ ичюн, сиз анда кетеятасыз. Алланъ олгъан РАББИ сени анда кетиргенинен, сенинъ козюнъден чокъ сайылы миллетлерни: хитлилерни, гиргашлыларны, аморлыларны, ханаанлыларны, перизлилерни, хивлилерни ве евуслыларны – сенден кучьлю ве чокъ сайылы олгъан еди миллетни къувалагъанынен,

3 Падишалар 11:1

Сулейман падиша ябанджы олгъан чокъ апайларны севди: фыравуннынъ къызыны ве башкъа моавлы, аммонлы, эдомлы, сидонлы ве хитли апайларны.

Нехемья 13:24

Шу себептен оларнынъ огъуллары яры ашдод тилинде я да башкъа халкъларнынъ тилинде лакъырды эттилер, лякин еудийдже лаф этип оламай эдилер.

Нехемья 13:27

Энди исе сизлер бойле буюк яманлыкъ япкъанынъызны ве башкъа халкъларнынъ апайларына эвленип, Алламыз огюнде имансыз шей япкъанынъызны эшитмек керекмизми? – дедим.

Рут акъкъында китап 1:4

Эки огълу моавлы къызларындан озьлерине апай алдылар. Къызларнынъ бирининъ ады Орпа, экинджисининъ ады Рут эди. Анда олар он йыл къадар яшадылар.

Нехемья 10:31

Эгер мемлекетнинъ башкъа халкълары раатлыкъ кунюнде бизге сатыладжакъ маллар ве ашлыкъ кетирсе, биз раатлыкъ кунюнде я да азиз бир куньде шу малларны сатын алмайджакъмыз. Эр единджи йылы топракъны ишлетмейджекмиз ве эр тюрлю борджларны багъышлайджакъмыз.