Нехемья 11:1 - Мукъаддес Китап

¹ Халкънынъ башлыкълары Ерусалимде яшай эдилер. Къалгъан халкъ исе джереп чекти, ве джерепке коре халкънынъ онда бир къысмы мукъаддес шеэрге Ерусалимге яшамагъа кетти, башкъа докъуз къысмы исе озь шеэрлеринде къалдылар.

Нехемья 11:1 Referans Kwoze

Ешая 48:2

Азиз шеэринде яшайсыз, Исраильнинъ Алласына ишанасыз. Онынъ Ады – Ордуларнынъ РАББИсидир.

Ешая 52:1

Котериль, эй, Сион, котериль! Къудретли ол! Эй, азиз шеэр Ерусалим! Дюльбер урбаларынъны кий! Эндиден сонъ сюннет этильмеген, арам олгъан ич кимсе къапуларынъдан кирмейджек!

Нехемья 11:18

Мукъаддес шеэриндеки яшагъан левийлилер – эписи оларакъ 284 адам.

Нехемья 10:34

Биз – руханийлер, левийлилер ве халкъ – ким одунлар кетиреджек акъкъында джереп чектик. Къанунда язылгъанына коре Алламыз РАББИнинъ къурбан еринде одунлар янсын деп, эр йыл Алламызнынъ Эвине оларны кетирмеге къоранталаргъа невбет вакътыны тайинледик.

Матта 4:5

Сонъ Шейтан Исаны Ерусалимге, мукъаддес шеэрге кетирди, Алланынъ Сарайы тёпесине къойып,

Фаалиет 1:24

Сонъ дува окъуп: – Эй, эписи адамларнынъ юреклерини бильген Рабби! Иуда, озь ерине бармакъ ичюн, бу хызметни ве эльчилигини ташлады. Шунынъ ичюн бу къысметни алсын деп, эки адамдан къайсыны сайлагъанынъны косьтер! – дедилер.

Матта 27:53

Олар къабирлеринден чыкъып, Иса тирильген сонъ мукъаддес шеэрге кирдилер ве чокъ адамларгъа корюндилер.

Икметли сёзлер 16:33

Адам джереп ташыны ата, амма онынъ косьтергени РАББИден келе.

1 Тарих вакъиалары 26:13

Олар къоранталарына коре, буюги де, кучюги де эр бир къапу ичюн джереп чектилер.

Нун огълу Ехошуа 18:10

Ехошуа Шилода РАББИнинъ козю огюнде джереп чекти ве анда Исраиль огъулларына топракънынъ пайларыны берди.

Фаалиет 1:26

Сонъ олар джереп чектилер. Къысмет Маттиянынъ тарафында олды, ве о, он бир эльчиге къошулды.

1 Тарих вакъиалары 9:3

Ерусалимде ехудалылардан, биньяминлилерден, эфраимлилерден ве менашшелилерден базы адамлар яшай эди.

1 Тарих вакъиалары 8:28

Олар озь къоранталарынынъ башлыкълары, сойларынынъ ёлбашчылары эди. Олар Ерусалимде яшай эдилер.

1 Тарих вакъиалары 9:1

Бойлеликнен, бутюн исраиллилернинъ несиллери джедвельде ве даа Исраиль падишаларынынъ китабында язылгъан эдилер. Ехудалылар исе Къанунны бозгъан ишлери ичюн Вавилонгъа сюргюн этильген эдилер.

1 Тарих вакъиалары 9:2

Озь топракъ пайларына, Исраиль шеэрлерине биринджи олып къайткъан исраиллилер эдилер – бу руханийлер, левийлилер ве Алланынъ Сарайында чалышкъан хызметчилер эди.

Нехемья 4:22

Бундан гъайры мен о заман халкъкъа дедим, эр кес озь хызметчилеринен берабер Ерусалимде геджелесин. Гедже олар бизим къаравулларымыз олсун, куньдюз исе чалышсынлар.