Нахум 3:5 - Мукъаддес Китап

⁵ – Мен санъа къаршы чыкъам! – дей Ордуларнынъ РАББИси. – Урбаларынънынъ этегини бетинъе котерип, халкъларгъа аврет ерлеринъни корьсетеджегим, айыбынъны падишалыкъларгъа ачаджагъым.

Нахум 3:5 Referans Kwoze

Йирмея 13:26

Шунынъ ичюн урбанънынъ этеклигини чыкъараджагъым, бетинъе къадар котереджегим, аврет ерлеринъни ачыкъ этеджегим.

Нахум 2:13

– Мен санъа къаршы чыкътым, – дей Ордуларнынъ РАББИси. – Дженк арабаларынъны якъаджагъым, арслан балаларынъ къылычнен ольдюриледжек. Энди сен ер юзюнде авгъа чыкъмайджакъсынъ, эльчилеринънинъ сеси башкъа эшитильмейджек.

Ехезкель 23:29

Олар сеннен мераметсизликнен арекет этеджеклер, сенинъ чалышып къазангъанынъны тартып аладжакълар, сени чыр-чыплакъ къалдыраджакълар. О вакъыт сенинъ чыплакълыгъынъ, ороспулыгъынъ, масхаралыгъынъ ве бозукъ арекетлеринъ ачыладжакъ.

Йирмея 13:22

«Булар неден башыма кельди?» – ичинъден дейджексинъ. Гуналарынънынъ чокълугъындан этегинъ ачылды, аврет ерлери корюндилер.

Хавакъкъукъ 2:16

Урьмет ерине утанч аладжакъсынъ. Энди сен де ич, озь сюннет этильмеген аврет ерлеринъни корьсет. РАББИнинъ онъ къолундаки гъазап къадеси санъа якъынлашаджакъ, масхаралыкъ сенинъ урьметинъни къаплайджакъ.

Ехезкель 16:37

Шунынъ ичюн зевкъ чатып кейфленген ойнашларынъны топлайджагъым, эр бир севгенлеринъни де, эр бир нефрет эткенлеринъни де эписини топлайджагъым. Эписини санъа къаршы топлайджагъым, оларгъа сенинъ чыплакълыгъынъны косьтереджегим, олар сенинъ эписи айып ерлеринъни корьсюнлер.

Микъа 1:11

Эй, Шафирде яшагъанлар, чыплакъ ве масхара олып кетинъиз. Цаананда яшагъанлар шеэринден чыкъмайлар. Бет-Эцел шеэри агълавгъа толгъан, о да сизге ярдым этмез.

Ехезкель 23:25

Мен куньджюлигимни санъа къаршы чевиреджегим, ве олар санъа ачувларына коре яманлыкъ япаджакълар: сенинъ бурнунъны ве къулакъларынъны кесип атаджакълар, къалгъаныны исе къылычнен кеседжеклер, огълан-къызларынъны аладжакълар, къалгъаныны исе атеште якъаджакълар,

Йирмея 50:31

– Бакъ, Мен санъа къаршы чыкъам, эй, макътанчакъ! – дей Ордуларнынъ РАББИ-ТААЛЯсы. – Сенинъ кунюнъ, джеза вакътынъ кельди.

Ехезкель 21:3

Исраиль топрагъына бойле айт: РАББИ шойле дей: Бакъ, Мен санъа къаршы чыкъаджагъым, къындан къылычымны чыкъараджагъым ве сенинъ догъру адамларынъны да, яман адамларынъны да ёкъ этеджегим.

Ехезкель 26:3

Шунынъ ичюн РАББИ-ТААЛЯ шойле дей: «Эй, Тир, Мен санъа къаршы чыкъаджагъым. Денъизнинъ далгъалары насыл котерильсе, ойле де Мен чокъ халкъларны санъа къаршы котереджегим.