Нахум 1:7 - Мукъаддес Китап

⁷ РАББИ хайырлыдыр, беля вакътында сакъланув еридир. Онъа ишангъанларны О, биле.

Нахум 1:7 Referans Kwoze

2 Тимотейге 2:19

Лякин Алла къойгъан темель къавийдир, онда бойле сёзлер печат киби къоюлгъан: «Рабби ким Онынъки олгъаныны биле» ве «Раббининъ Адыны тилине алгъан эр бир адам яманлыкътан узакълашсын!»

Юхан 10:27

Къойларым сесимни эшителер. Мен оларны билем, ве олар Меним артымдан юрелер.

Агълав йырлары 3:25

РАББИге ишангъанларгъа, Оны къыдыргъан джангъа О, яхшылыкънен бакъа.

Юхан 10:14

Мен яхшы чобаным. Мен Озь къойларымны билем, олар исе Мени билелер.

Зебур 100:5

Башкъасы акъкъында гизлиден ошек айткъанны мен ёкъ этерим, юксектен бакъкъан ве юреги къабаргъан адамны асыл чыдамам.

Зебур 27:5

Олар РАББИнинъ эткенлерине, Онынъ къолларынынъ ишлерине эмиет бермегенлери ичюн, О, оларны ерге йыкъар, кене аякъ устюне турсатмаз.

Икметли сёзлер 18:10

Тенбель йыкъыджы адамгъа къардаштыр.

Зебур 1:6

РАББИ инсафлыларнынъ ёлуны биле, ярамайларнынъ ёлу исе гъайып олур.

Галатиядакилерге 4:9

Шимди исе, Алланы бильгенинъизде, даа догърусы, сизни Алла бильгенде, насыл этип, кене шу кучьсюз ве заваллы рухий кучьлерге къайтасынъыз? Янъыдан озьлеринъиз къуллукъкъа берильмеге истейсинъизми?

Ешая 25:4

Сен фукъарелерни сакълайсынъ, сыкъынты вакътында гъариплерни къорчалайсынъ, боранда сакъланув ерни бересинъ, сыджакъта салкъын ёллайсынъ. Залымларнынъ гъазабы – сувукъ авада боран киби,

1 Тарих вакъиалары 16:34

РАББИге шукюр этинъиз, чюнки О, хайырлыдыр, Онынъ севгиси эбедийдир!

Йирмея 33:11

къуванч ве шенълик сеслери, киев-келин сеслери, «Ордуларнынъ РАББИсини макътанъыз! РАББИ яхшыдыр! Онынъ буюк севгиси эбедийдир!» – дегенлернинъ сеслери, РАББИнинъ Эвинде шукюр къурбаныны кетиргенлернинъ сеслери эшитиледжек. Бу мемлекетнинъ къысметини къайтараджагъым, оны эвельки киби этеджегим, – дей РАББИ.

Зебур 86:7

Эм йырлайлар, эм ойнайлар: «Меним бутюн менбаларым Сенде!»

Ешая 32:2

Эр бири ельге къаршы бир къорув киби, борандан сакъланув ери, сувсуз топракъта бир чокъракъ, къуругъан топракътаки юксек къаянынъ аткъан талдасы киби оладжакъ.

Зебур 25:8

Я РАББИ, Сен яшагъан эвинъни ве Шуретинъ ерлешкен ерини мен севем.

Даниял 3:28

О заман Невукъаднеццар: – Шадракъ, Мешакъ ве Авед-Негонынъ Алласы шан-шуретлидир! О, Озюнинъ Мелегини ёллады ве Озюнинъ Онъа умют эткен къулларыны къуртарды. Олар падишанынъ эмирине бойсунмадылар ве озь Алласындан гъайры башкъа аллагъа ибадет этмемек ве онъа табынмамакъ ичюн, озь беденлерини атешке бердилер.

Зебур 71:3

Дагълар адамларгъа аманлыкъны кетирсин, тёпеликлер исе – адалетни.

Зебур 91:15

Олар къартайгъанда да, чокъ мейва берерлер, тазе ве ешиль олурлар,

Зебур 50:15

Къанун бозгъанларгъа Сенинъ ёлларынъны огретеджегим, ве гунакярлар Санъа къайтып келеджеклер.

Даниял 6:23

О заман падиша бунъа пек къуванды ве Даниялны къуюдан чыкъармагъа буюрды. Даниялны къуюдан чыкъардылар. Онынъ устюнде ич бир яра ёкъ эди, чюнки о, озь Алласына иман эте эди.

Римлилерге 11:22

Эм Алланынъ мераметини, эм де сертлигини акъылынъда тут. Йыкъылгъанларгъа О, серт бакъа, санъа исе мераметини косьтере. Лякин эгер Онынъ мераметинде булунмасанъ, сен де кесилип ташланырсынъ.

2 Тарих вакъиалары 32:21

Бундан сонъ РАББИ бир мелекни йиберди. О, Ашшур падишасынынъ ордусында эр бир джесюр аскерни, башлыкъны ве реберни ёкъ этти. Ашшур падишасы масхара олып, озь мемлекетине къайтып кетти. О, озь алласынынъ ибадетханесине киргенде, онынъ балалары оны анда къылычнен ольдюрдилер.

Матта 27:43

О, Аллагъа ишанды. Эгер Алла Оны истесе, Оны къуртарсын! О: «Мен Алланынъ Огълу олам», – деген!

Матта 7:23

О вакъыт Мен оларгъа: «Мен сизни бир вакъыт бильмедим. Эй, Къанунны бозгъанлар, Меним янымдан кетинъиз!» – деп джевап береджем.

Узеир 3:11

Олар РАББИге макътавларнен ве шукюрлернен йырлап башладылар: «О, хайырлыдыр! Онынъ Исраильге севгиси даимийдир!» Бутюн халкъ да, Сарайгъа темель къоюлгъаны ичюн, РАББИни макътап, бар сесинен къычырдылар.

2 Тарих вакъиалары 32:11

Хизкия сизни ёлдан ура. О, сизлерни ачлыкътан ве сувсузлыкътан олюмге береджек. О: “Алламыз РАББИ бизни Ашшур падишасынынъ къолларындан къуртараджакъ”, – дей,

2 Тарих вакъиалары 32:8

Онен берабер – адамларнынъ къудрети, бизнен берабер исе – Алламыз РАББИдир. О бизге ярдым этеджек ве бизнен бирликте дженк этеджек. Халкъ Ехуданынъ падишасы Хизкиянынъ сёзлерини эшитти ве юрекленди.

1 Тарих вакъиалары 5:20

Олар дженк мейданында Алладан ярдым истедилер, ве О, оларны эшитти, чюнки олар Аллагъа ишанды. О, оларгъа ярдым берди ве хагрийлилерни ве оларнен бирликте олгъанларны оларнынъ къолуна теслим этти.

Зебур 20:1

Баш чалгъыджы ичюн. Давутнынъ зебуры.

Йирмея 16:19

– Я РАББИ! Сен меним кучюмсинъ, беля куню мени къорчалайсынъ ве сакълайсынъ. Дюньянынъ кенарларындан Санъа халкълар келип: «Деделеримиз бизге къалдыргъанлары – ялынъыз яланлар, бош шейлер ве файдасыз путлар, – дейджеклер.

Йирмея 17:17

Меним ичюн къоркъунчлы олма, беля кунюмде Сен – сакълангъан еримсинъ.

Йирмея 24:5

– РАББИ, Исраильнинъ Алласы бойле дей: Мындан къасдийлилернинъ топрагъына къувалангъан Ехуда сюргюнлерини, бу яхшы инджирлер киби, яхшы саяджагъым.

Ёэль 3:16

РАББИ Сиондан гудюрдейджек, Ерусалимден сесини чыкъараджакъ. Коклер ве ер тепренеджек. Лякин РАББИ Озь халкъыны къорчалайджакъ, Исраиль огъулларына сакъланув ери оладжакъ.

Цефанья 3:12

Амма тек саде ве алчакъгонъюлли халкъны сагъ къалдыраджагъым, олар РАББИге ишанып яшайджакъ.

2 Тарих вакъиалары 13:18

Бундан сонъ Исраиль огъуллары бойсундылар. Ехуда огъуллары исе, бабаларынынъ Алласы РАББИге ишангъанлары ичюн, енъиш къазандылар.

Зебур 9:10

Эзиетленгенлер ичюн РАББИ – сыгъынакътыр, беля заманларда О – сакъланмакъ ичюн ердир.

Зебур 46:2

Эй, бутюн халкълар, Аллагъа эль чырпынъыз, къуванчлы сеснен Аллагъа къычырынъыз!

Ешая 50:10

Аранъыздан РАББИден ким къоркъа? Къулунынъ сёзюни ким тута? Ярыкъ олмайып, къаранлыкъта юргенлер РАББИнинъ Адына ишансын, Алласына таянсын.