Нахум 1:14 - Мукъаддес Китап

¹⁴ Санъа исе, Ашшур, РАББИ шуны буюра: – Энди сенинъ адынъны ташыгъан эвлятларынъ олмайджакъ, таштан ве иритильген маденден япылгъан путларны алланънынъ эвинден ёкъ этеджегим, анда санъа къабир япаджагъым, ве сен масхара оладжакъсынъ.

Нахум 1:14 Referans Kwoze

Микъа 5:13

Мен сенинъ путларынъны, сен табынгъан таш путларынъны къырып ташлайджагъым. Бир даа къолларынънен япылгъан путларгъа табынмайджакъсынъ.

Икметли сёзлер 10:7

Инсафлы адамны макътавнен хатырларлар, яман адамнынъ ады исе гъайып олур.

4 Падишалар 19:37

Бир кунь, о, озюнинъ алласы Нисрок путханесинде табынгъанда, огъуллары Адраммелек ве Сарецер оны къылычнен ольдюрдилер, озьлери исе Арарат мемлекетине къачып кеттилер. Санхеривнинъ ерине огълу Эсар-Хаддон падиша олды.

Даниял 11:21

Сонъ онынъ ерине урьмет этильмеген адам падиша оладжакъ. Онъа ич кимсе падишалыкъ сайгъысыны косьтермейджек. Аманлыкъ вакътында келип, о, ялан ярдымынен падишалыкъны эльге аладжакъ.

Йирмея 50:2

– Халкъларгъа хабер этинъиз ве бильдиринъиз! Байракъ котерип, илян этинъиз, гизлеменъиз! «Вавилон алынды, – айтынъыз, – Бел алласы масхара олды, Меродакъ алласы йыкъылды, путлары масхара олды, аллалары чиль-парча олды».

Ешая 33:13

Эй, узакътакилер, нелер япаджагъымны эшитинъиз! Эй, якъындакилер, къудретимни билинъиз!

Ешая 19:1

Мысыр акъкъында пейгъамберлик. Иште, РАББИ енгиль булуткъа отурып, Мысыргъа келе! Мысырнынъ путлары Онынъ юзюнден къалтырай, мысырлыларнынъ юреги къопып кете.

Зебур 71:3

Дагълар адамларгъа аманлыкъны кетирсин, тёпеликлер исе – адалетни.

2 Тарих вакъиалары 32:21

Бундан сонъ РАББИ бир мелекни йиберди. О, Ашшур падишасынынъ ордусында эр бир джесюр аскерни, башлыкъны ве реберни ёкъ этти. Ашшур падишасы масхара олып, озь мемлекетине къайтып кетти. О, озь алласынынъ ибадетханесине киргенде, онынъ балалары оны анда къылычнен ольдюрдилер.

1 Падишалар 3:13

Онъа деген эдим ки, онынъ аилесини омюрбилля джезаларым, чюнки огъулларынынъ Аллагъа къаршы куфюр сёзлер айткъаныны билип-корип, оларны токътатмады.

Левийлилер 26:30

Ибадет тёпелеринъизни ёкъ этеджегим, къокъулы отларны якъув ерлеринъизни йыкъарым, олюлеринъизни сизинъ йыкъылгъан путларынъызгъа атаджагъым ве сизден юзюмни чевиреджегим.

Чыкъыш 12:12

Мен тамам бу геджеси Мысыр топрагъындан кечерим ве адамдан башлап айванларгъа баргъандже, Мысыр топрагъында олгъан эр бир биринджи догъгъан баланы ольдюририм ве эписи Мысыр аллаларыны джезаларым. Мен – РАББИм.

Эюп акъкъында китап 18:17

Ер юзюнде оны ич кимсе акъылгъа кетирмейджек, ады сокъакъларда унутыладжакъ.

Микъа 5:14

Ашера путуна табынма диреклеринъни ёкъ этеджегим, шеэрлеринъни бозаджагъым.

Хавакъкъукъ 2:10

Сен чокъ халкъларны ёкъ этип, бунынънен эвинъни масхара эттинъ, озь джанынъа къаршы гуна яптынъ.

Даниял 5:27

Текел – сен теразеде чекильдинъ ве къусурлы олгъанынъ ачылды.