Микъа 6:16 - Мукъаддес Китап

¹⁶ Сизлер Омрийнинъ низамнамелерини беджере эдинъиз, Ахав эвининъ бутюн япкъанларыны япа эдинъиз, оларнынъ ишлерине коре яшай эдинъиз. Шунынъ ичюн Мен сени ёкъ этмеге, сакинлеринъни мыскъылламагъа ёл береджегим, сизлер Меним халкъым олсанъыз да, ашаланаджакъсынъыз.

Микъа 6:16 Referans Kwoze

Йирмея 51:51

Бизни яманлагъанларда, утана эдик; ябанджылар РАББИ Эвининъ азиз ерлерине киргенде, масхаралыкъ бетлеримизни къаплады.

Йирмея 7:24

Амма олар не динъледи, не къулакъ астылар, лякин инат олып, юреклерининъ яман ниетлерине коре яшадылар, Манъа юзьлерини дегиль, аркъаларыны чевирдилер.

Йирмея 19:8

Бу шеэрни харап этеджегим, оларны корьгенлер хор бакъаджакълар. Андан эр кечкен шашып къаладжакъ, шеэрден къалгъан йыкътырмагъа бакъып, сызгъыраджакъ.

Ешая 25:8

олюм эбедиен енъиледжек, РАББИ-ТААЛЯ бутюн юзьлерден козьяшларны силеджек, ер юзюнде Онынъ халкъыны бир вакъыт яманламайджакълар ве масхара этмейджеклер. РАББИ бойле дей.

Зебур 44:13

Тир къызы Санъа бахшыш кетиреджек; халкънынъ энъ зенгин сойлары Сенинъ разылыгъынъны къыдыраджакълар.

Сырларнынъ ачылувы 2:20

Лякин санъа къаршы бойле айтам: сен Изевель къадынынынъ ишлерине къаршылыкъ косьтермейсинъ. О, озюне пейгъамбер деп, Меним къулларыма ороспулыкъ япмагъа ве путкъа къурбан этильген шейлерни ашамагъа огрете ве оларны догъру ёлдан ура.

Хошеа 5:11

Эфраим енъильди, джезасы оны йыкъты, чюнки бош путларнынъ артындан кетмеге истеди.

Даниял 9:16

Я Раббим! Сен адалетли олсанъ да, Ерусалим шеэринъден, азиз дагъынъдан буюк гъазабынъны чевир! Гуналарымыз ичюн ве деделеримизнинъ къабааты ичюн, чевремизде яшагъан халкълар Ерусалим шеэрини ве Сенинъ халкъынъны яманлайлар.

Ехезкель 39:26

Озь топракъларында тынч-аман яшагъанда, оларны кимсе къоркъузмагъанда, олар Манъа къаршы япкъан масхара ишлерини ве эписи акъсызлыкъларыны унутаджакълар.

Агълав йырлары 5:1

Я РАББИ, бизнен не олгъаныны унутма! Бакъ да, масхаралыгъымызны корь.

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Ешая 9:16

Халкънынъ ёлбашчылары оларны ёлдан урдылар, артларындан кеткенлер гъайып олдылар.

Зебур 1:1

Не де бахтлыдыр ярамазларнынъ акъылынен юрмеген, гунакярлар ёлуна тюшмеген, мыскъылджылар топлашувында отурмагъан адам!

2 Тарих вакъиалары 34:25

чюнки олар Мени къалдырып, башкъа аллаларгъа къокъулы отлар якътылар ве озь къолларынен япкъан шейлернен Мени ачувландырдылар. Меним гъазабым шу ерге алевленир ве даа сёнмейджек”».

4 Падишалар 21:3

О, бабасы Хизкия ёкъ эткен ибадет тёпелерини гъайрыдан тикледи, Баалгъа къурбан ерини къурды, Исраиль падишасы Ахав киби, Ашера путуна табынма дирегини ясады, коклернинъ ордусына табынды ве хызмет этти.

4 Падишалар 16:3

Лякин Исраиль падишалары юрген ёллардан юре эди, огълуны биле атештен кечирди. Башкъа миллетлер бу дешетли шейни япа эди. РАББИ бу миллетлернинъ топрагъыны исраиллилернинъ козю огюнде тартып алгъан эди.

3 Падишалар 18:4

Изевель РАББИнинъ пейгъамберлерини ёкъ эткенде, Овадья юз пейгъамберни алып, оларны эллишер адам къобаларда сакълап, аш-сувнен теминлеген эди.

3 Падишалар 9:8

Шу улу Сарайнынъ янындан кечкен эр ким къоркъып сызгъыраджакъ ве: «РАББИ шу Сарайгъа ве шу топракъкъа не ичюн бойле япты?» – дейджек.

Йирмея 25:18

Ерусалим шеэри, Ехуда шеэрлери, падишаларынен башлыкълары ондан ичти ве, бугунь корюнгени киби, харап ве бакъымсыз олдылар, масхарагъа ве къаргъышкъа чевирильдилер.

Йирмея 29:18

Оларнынъ артындан къылычнен, ачлыкънен ве ольдюриджи хасталыкънен къуваджагъым. Ер юзюндеки эписи падишалыкъларда оларгъа ачувланаджакълар, Мен оларны къувалагъан халкъларнынъ арасында оларны къаргъайджакъ ве харап этеджеклер, мыскъыллайджакъ ве яманлайджакълар.

Хошеа 12:14

Эфраим Алланы пек ачувландырды, шунынъ ичюн О, онынъ къабаатыны багъышламаз, Рабби Озь джезасыны онынъ башына тюшюрир.

Микъа 2:6

«Эй, пейгъамберлер! Пейгъамберлик япманъыз, бойле шейлерни айтманъыз! Биз масхара олмамыз!

Микъа 6:13

Шунынъ ичюн Мен гуналарынъыз ичюн ойле урарым ки, бир даа аякъкъа турып оламазсынъ. Сени бутюнлей ёкъ этеджегим.

2 Тарих вакъиалары 22:4

Бабасынынъ олюминден сонъ, Ахазьягъа Ахавнынъ сою акъыл огреттилер, ве о, Ахавнынъ сою киби, РАББИнинъ огюнде ярамай шейлер япты. Шу оны олюмге алып кетирди.

Зебур 44:14

Падишанынъ къызы – шурет ичинде, онынъ урбасы алтындан тикильген.