Микъа 3:4 - Мукъаддес Китап

⁴ Олар РАББИден ярдым истейджек, амма О, оларгъа джевап бермейджек, олар яманлыкъ япкъанлары ичюн, олардан бетини чевиреджек.

Микъа 3:4 Referans Kwoze

Ешая 1:15

Къолларынъызны Манъа узаткъанларынъызда, сизни корьмейим деп, козьлеримни къапатаджагъым. Дуваларынъызны чокълаштыргъанынъызда, эшитмейджегим. Ольдюрген адамларнынъ къанындан къолларынъыз къырмызы.

Икметли сёзлер 1:28

О заман мени чагъыраджакълар, лякин мен эшитмейджегим, саба-танъдан мени къыдыраджакълар, лякин тапалмайджакълар.

Ехезкель 8:18

Шунынъ ичюн Меним ачувым оларгъа тёкюледжек! Оларны аджымам, мерамет этмем. Къулакъларыма чокъ къычырсалар биле, оларны динълемем!

Якъуп 2:13

Мерамет косьтермеген адам мераметсизликнен суд этиледжек. Мерамет исе укюмден устюн келе.

Матта 7:22

Шу куню чокъ адамлар Манъа: «Раббим, Раббим! Биз Сенинъ Адынънен пейгъамберлик этмедикми? Сенинъ Адынънен джинлерни къувып чыкъармадыкъмы? Сенинъ Адынънен чокъ аджайип шейлер япмадыкъмы?» – дейджеклер.

Ешая 3:11

Яман адамларнынъ башына исе беля! Эткен ишлери ичюн къазангъанларыны кореджек.

Юхан 9:31

Биз билемиз ки, Алла гуналы адамларны динълемей. Ким Алладан къоркъып, Онынъ истегенини беджерсе, Алла тек оны динълей.

Лука 13:25

Эв Саиби турып къапуны къапаткъанда, сиз тышарыда къалып: «Рабби! Бизге ачып бер!» – деп къапуны такъылдата башлайджакъсыз. Лякин О сизге: «Ким ве къайдан олгъанынъызны бильмейим», – деп джевап береджек.

Зекерья 7:13

Ордуларнынъ РАББИси бойле дей: – Мен чагъыргъанда, олар динълемеди. Шунынъ ичюн де олар Мени чагъыргъанда, Мен оларны динълемедим.

Йирмея 33:5

Олар къасдийлилернен дженк этмеге кетелер, амма оларнынъ эвлери мевталаргъа толаджакълар, Мен оларны ачув ве гъазапнен ураджагъым. Бутюн эткен яманлыкълары ичюн, Мен юзюмни шеэрден чевирдим.

Йирмея 5:31

пейгъамберлер ялан пейгъамберлик этелер, оларнынъ ярдымынен руханийлер башлыкъ этелер, халкъым да буны бегене. Амма сонъунда не япаджакъсынъыз?

Икметли сёзлер 28:9

Къанунгъа къулакъ асмагъан адамнынъ дувасы да пистир.

1 Падишалар 8:18

Сонъра озюнъизге сечип алгъан падишанынъ зорбалыгъындан инъильдеп башларсынъыз. РАББИ исе шу куню сизге джевап бермез.

Эюп акъкъында китап 27:9

Башына беля кельгенде, Алла онынъ ярдымгъа чагъыргъаныны эшитирми?

Эюп акъкъында китап 35:13

Алла керчектен бош лафны эшитмез, Къудретли онъа къулакъ асмаз.

Йирмея 11:11

Онынъ ичюн РАББИ бойле дей: Бакъынъыз! Мен башларына беля тюшюреджегим, ве олар ондан къуртулып оламайджакълар. Менден ярдым истейджеклер де, Мен оларны эшитмейджегим.

Йирмея 14:12

– Ораза тутаджакълар, лякин къычырувларыны эшитмейджегим. Бутюнлей якъыладжакъ къурбанларны ве ашлыкъ бахшышларыны кетиреджеклер, амма олардан разы олмайджагъым. Оларны къылычнен, ачлыкънен ве ольдюриджи хасталыкънен ёкъ этеджегим.

Микъа 3:7

Гизли шейлерни бильгенлер утанаджакъ, фалджылар масхара оладжакъ. Оларнынъ эписи агъызларыны къапатаджакъ, РАББИден оларгъа ич бир джевап олмайджакъ.

Микъа 7:13

Бутюн ер исе халкъларнынъ япкъанлары, оларнынъ ишлери ичюн бакъымсыз сахрагъа чевириледжек.