Матта 10:11 - Мукъаддес Китап

¹¹ Шеэр я да къасабагъа келип, о ерде ляйыкъ бир адам тапынъ ве шу ерден чыкъмагъандже, онынъ эвинде къалынъыз.

Матта 10:11 Referans Kwoze

Эюп акъкъында китап 31:32

Ич бир ёлджу геджени сокъакъта кечирмеди, чюнки къапуларым кельген-кечкенлерге ачыкъ эди.

Лука 9:4

– Къайсы эвге кирсенъиз, о ерден кеткендже, шу эвде къалынъыз.

Марк 6:10

Эгер бирде-бир ерде эвге кирсенъиз, шу ерден чыкъмагъандже, о эвде къалынъыз.

Фаалиет 16:15

Лидия озюнинъ эвиндекилеринен берабер сувгъа батырылып чыкъкъан сонъ, бизни мусафирликке чагъырды. О: «Эгер сизлер мени Раббиге инангъан деп сайсанъыз, эвиме келип яшанъыз», – деп бизни къандырды.

Лука 19:7

Буны корьгенде, базы адамлар мырылдап башладылар: – Иса гуналы адамнынъ эвине барды, – дедилер.

Матта 10:10

Ёлгъа не торба, не эки дане урба, не аякъкъап ве таякъ биле алманъыз. Чалышкъан адам озь отьмегини къазаныр.

Матта 10:12

Эвге киргенде, селям беринъиз.