Матта 1:1 - Мукъаддес Китап

¹ ‌Ибраимнинъ ве Давутнынъ союндан олгъан Иса Месих акъкъында ривает. Мына Онынъ баба-деделери:

Матта 1:1 Referans Kwoze

Башланув 22:18

Мени динълегенинъ ичюн, эвлятларынъ ярдымынен ер юзюндеки эписи халкълар яхшылыкъ кореджеклер.

Галатиядакилерге 3:16

Ибраимге ве онынъ эвлядына ваделер берильген эдилер. «Эвлятларынъа» айтылмагъан эди, чокълукъ акъкъында айтылмады, аксине, бир эвляды акъкъында киби: «Сенинъ эвлядынъа», – айтылгъан эди. Бу эвлят – Месихтир.

Римлилерге 1:3

Бу хабер – Онынъ Огълу, Раббимиз Иса Месих акъкъында хабердир. Догъгъанына бакъсакъ, О, Давутнынъ эвляды эди, амма олюлерден тирилип, азизлик Рухунынъ ярдымынен Алланынъ къудретли Огълу оларакъ ачылды.

Сырларнынъ ачылувы 22:16

– Мен, Иса, иманлылар джемиетлериме бу хаберни айтмагъа сизге Озь мелегимни ёлладым. Мен – Давутнынъ тамырым ве несилим, ярыкъ танъ йылдызым.

Йирмея 23:5

– Мына, бойле куньлер келеята ки, Мен Давутнынъ эвлядыны, Инсафлы Пытакъны юксельтеджегим, – дей РАББИ. – Падиша падишалыкъ этмеге башлайджакъ. О, акъыллы олып, ер юзюнде адалетнен суд этеджек.

Ешая 11:1

Кутюктен филис чыкъкъаны киби, тамырындан бир пытакъ аткъаны киби, Йишайнынъ союнда бир эвлят догъаджакъ.

Юхан 7:42

Языда, Месих Давутнынъ союндан, Давутнынъ юрту Вифлеемден чыкъып келеджек, деп язылмагъанмы? – дедилер.

Башланув 12:3

Сени багъышлагъанларны багъышларым, сени къаргъагъанларны къаргъарым. Сенинъ ярдымынънен ер юзюндеки бутюн халкълар эйилик тападжакълар! – деди.

Фаалиет 2:30

О, пейгъамбер олгъаны ичюн, шуны биле эди ки, Алла онынъ союндан олгъан бирини тахткъа отуртаджагъына ант этти.

Матта 1:18

‌Иса Месих бойле догъды: Онынъ анасы Мерьем Юсуфкъа нишанлы эди. Амма оларнынъ никяхларындан эвель Мерьемнинъ Мукъаддес Рухтан бала беклегени белли олды.

Ешая 53:8

Оны туттылар, судгъа кетирдилер; Онынъ несилини ким анъаджакъ? Ер юзюндеки омрю узюльди, халкъымнынъ гуналары ичюн джезаланды.

Римлилерге 9:5

Буюк баба-деделер – оларнынъкидир, Месих де олардан догъды. Эр шейнинъ устюнден олгъан Аллагъа эбедиен макътавлар олсун! Амин!

Римлилерге 4:13

Алла Ибраимге ве онынъ эвлятларына бутюн дюньянынъ сабылары оладжакъларына сёз берди, амма Къанунны туткъанлары ичюн дегиль, иманынен инсафлы сайылгъанлары ичюндир.

Матта 15:22

Анда Онынъ алдына шу ерлерде яшагъан бир ханаанлы къадын кельди. – Эфендим, Давутнынъ Огълу, мени аджы! Къызымны джин урды, ве пек къыйнай, – деп къычырды.

Матта 9:27

Иса о ерден кеткенде, Онынъ артындан эки кёр адам такъылды. – Эй, Давут Огълу Иса, бизге мерамет эт! – деп къычырып ялвардылар.

Йирмея 33:26

Якъупнынъ ве къулум Давутнынъ эвлятларыны да ред этмейджегим, Давутнынъ эвлятларындан падишаны сайлайджагъым, ве о, Ибраимнинъ, Исхакънынъ ве Якъупнынъ эвлятларына башлыкъ этеджек. Мен оларны эсирликтен къайтараджагъым, оларгъа мерамет этеджегим.

Башланув 2:4

Мына, кокнинъ ве ернинъ яратылгъан вакътында оларнынъ несили. РАББИ-Тааля ер юзю ве кокни яраткъанда,

Матта 3:16

Батырылгъан сонъ, Иса аман сувдан чыкъты. Шу ань Онынъ огюнде кок ачылды да, Иса Алланынъ Рухуны корьди: О, гогерджин киби ашагъа энип, Исагъа къонды.

Зекерья 12:8

О куню РАББИ Ерусалимде яшагъанларны къорчалайджакъ. О куню араларында энъ зайыф олгъан сою Давут киби оладжакъ, Давутнынъ сою исе оглеринде Алла киби, РАББИнинъ Мелеги киби оладжакъ.

Амос 9:11

– О куню йыкъыкъ эвге ошагъан Давутнынъ падишалыгъыны Мен янъыдан тиклейджегим, диварларыны тюзетеджегим, йыкъылгъан ерлерни янъыдан къураджагъым, оны эски замандаки киби япаджагъым.

Башланув 5:1

Мына, Адемнинъ эвлятлары акъкъында ривает. Алла адамны яраткъанда, оны Аллагъа ошатып ясады.

Зебур 89:3

Дагълар пейда олмаздан эвель, ер ве дюньяны яратмаздан эвель, асырлардан асырларгъа Сен Алласынъ!

Матта 1:2

Ибраим – Исхакънынъ бабасы, Исхакъ – Якъупнынъ бабасы, Якъуп – Ехуданынъ ве агъа-къардашларынынъ бабасы эди.

Лука 1:33

О, Якъупнынъ союна эбедиен Падиша оладжакъ, Онынъ падишалыгъынынъ сонъу олмайджакъ, – деди.

1 Тимотейге 2:5

Алла – бирдир, ве Алланен адамларнынъ арасында бир ишанчлы адам бар. Бу адам – Иса Месихтир.

2 Тимотейге 2:8

Давутнынъ союндан олгъан, Мен даркъатаяткъан Къуванчлы Хаберге коре олюлерден тирильген Иса Месихни акълынъда тут.