Марк 7:10 - Мукъаддес Китап

¹⁰ – Муса шойле айткъан эди: «Бабасыны я да анасыны къаргъагъан адам ольдюрильсин».

Марк 7:10 Referans Kwoze

Чыкъыш 21:17

Ким бабасыны я да анасыны къаргъаса, ольдюрильсин.

Чыкъыш 20:12

РАББИ-Таалянъ санъа берген ер юзюнде яшагъан куньлеринъ узун олсун деп, бабанъны ве ананъны урьмет эт.

Къануннынъ текрары 5:16

Алланъ олгъан РАББИ эмир эткени киби, бабанъны ве ананъны урьмет эт. Сонъ яшайышынъ узун оладжакъ, ве Алланъ олгъан РАББИ санъа береджек топракъта эр ишинъ онъундан келеджек.

Левийлилер 20:9

Ана-бабасыны къаргъагъан адам мытлакъа ольдюрильсин, чюнки о, ана-бабасыны къаргъады. О, озю озь олюминде къабаатлыдыр.

Матта 15:4

– Алла: «Ана-бабанъны урьмет эт» ве «Бабасыны я да анасыны къаргъагъан адам ольдюрильсин», – деди.

Марк 10:19

Сен эмирлерни билесинъ: адамнынъ джаныны алма, аиле садыкълыгъыны бозма, хырсызлама, ялан шаатлыкъ этме, алдатма, ана-бабанъны урьмет эт, – деди.

Икметли сёзлер 30:17

Бабасыны мыскъыллагъан ве анасынынъ сёзюни динълемеген адамнынъ козюни вадийдеки къаргъалар чокъуп чыкъараджакъ, о, къартал балаларына аш олур.

Икметли сёзлер 20:20

Ана-бабасыны къаргъагъан адамнынъ чырагъы гедже къаранлыгъынен сёнер.

Къануннынъ текрары 27:16

«Ана-бабасыны урьмет этмеген адамгъа лянет!» Бутюн халкъ: «Амин!» – десин.