Марк 3:18 - Мукъаддес Китап

¹⁸ Андрей, Филип, Бартоломай, Матта, Тома, Алфейнинъ огълу Якъуп, Фадда, Ветанпервер Симон

Марк 3:18 Referans Kwoze

Фаалиет 1:13

Олар шеэрге кирип, яшагъан эвине бардылар ве экинджи къаткъа чыкътылар. Булар Пётр, Якъуп, Юхан ве Андрей, Филип ве Тома, Бартоломай ве Матта, Алфей огълу Якъуп, Ветанпервер Симон ве Якъуп огълу Иуда.

Марк 2:14

Шу ерлерден кечкенде, Иса салым топлангъан еринде отургъан Алфейнинъ огълу Левийни корьди. – Меним артымдан юр! – деди онъа Иса. Левий турып, Исанынъ артындан кетти.

Якъуп 1:1

Якъуп, Алланынъ ве Рабби Иса Месихнинъ къулу – дюньяда даркъалгъан еудийлернинъ он эки къабилесине: Селям алейкум!

Матта 9:9

Сонъ ёлуны девам эткен Иса салым топлангъан ерде отургъан бир адамны корьди. Онынъ ады Матта эди. Иса онъа: – Меним артымдан юр! – деди. О, шу ань еринден турып, Исанынъ артындан кетти.

Иуда 1:1

Иуда, Иса Месихнинъ къулу ве Якъупнынъ къардашы, – Алла Баба севген ве Иса Месих сакълагъан, Алла чагъыргъан адамларгъа:

Галатиядакилерге 2:9

Шунынънен, иманлылар джемиетининъ диреклери сайылгъан Якъуп, Кифа ве Юхан, манъа берильген эйиликни корип, манъа ве Барнабагъа онъ къолуны узаттылар: биз халкъларгъа барайыкъ, олар исе сюннетли еудийлерге барсынлар, деп келиштилер.

Галатиядакилерге 1:19

Башкъа эльчилерден мен тек Якъупны, Раббимиз Исанынъ къардашыны, корьдим.

1 Коринтлилерге 15:7

Ондан сонъ Якъуп, сонъра эписи эльчилер Оны корьди.

1 Коринтлилерге 9:5

Башкъа эльчилер, Раббининъ къардашлары ве Кифа ёлгъа чыкъып, озь иманлы апайларыны янларына алалар. Бизим де бойле акъкъымыз ёкъмы?

Фаалиет 21:18

Эртеси куню Павелнен берабер Якъупкъа бардыкъ. Акъсакъалларнынъ эписи де кельди.

Фаалиет 15:13

Олар лафыны битирген сонъ, Якъуп сёз алды: – Дин къардашларымыз, мени динъленъиз!

Юхан 21:2

Симон Пётр, «Эгиз» адландырылгъан Тома, Галилеянынъ Кана шеэринден олгъан Натанель, Зебедайнынъ огъуллары ве башкъа эки шегирт бир ерде эдилер.

Юхан 14:22

Сонъ Иуда (Искариот дегиль): – Рабби, Сен не ичюн Озюнъни дюньягъа дегиль, лякин бизге косьтермеге истейсинъ? – деди.

Юхан 11:16

О вакъыт «Эгиз» адландырылгъан Тома башкъа шегиртлерге: – Айдынъыз, биз де кетейик, Онен берабер олейик! – деди.

Юхан 1:40

Ягъянынъ Иса акъкъында айткъаныны эшиткен ве Онынъ артындан кельген эки акъайдан бири, Симон Пётрнынъ къардашы Андрей эди.

Марк 6:3

Мерьемнинъ огълу, Якъуп, Йосе, Иуда ве Симоннынъ агъасы, адий бир дюльгер Иса дегильми я? Онынъ къызкъардашлары да мында, бизим арамызда турмайлармы? – деди ве Исаны ред эттилер.

Матта 13:55

– Дюльгернинъ огълу дегильми О? Анасынынъ ады Мерьем, къардашлары исе Якъуп, Юсуф, Симон ве Иуда дегильми?

Марк 3:17

Зебедайнынъ огълу Якъуп, онынъ къардашы Юхан (Иса оларгъа Боанергес, я да «Гурюльдюнинъ огъуллары» адыны берди),

Марк 3:19

ве сонъундан Исагъа хаинлик япкъан Иуда Искариот.