Марк 14:20 - Мукъаддес Китап

²⁰ Иса джевап берип: – Он экиден бири, Меннен чанакъкъа къолундаки питесини батыргъан адам, – деди.

Марк 14:20 Referans Kwoze

Юхан 13:26

Иса джевап берип: – Мен бу пите парчасыны ашкъа батырып кимге берсем, одыр, – деди. Сонъ О, бир пите парчасыны батырып, Симон Искариот огълу Иудагъа берди.

Юхан 6:71

Иса буны Симон Искариот огълу Иуда акъкъында айтты. О, он эки шегирттен бири олып, Исаны сатаджакъ эди.

Лука 22:47

‌Иса даа бу сёзлерни айткъанда, топлашып кельген адамлар пейда олдылар. Он экиден бири Иуда адлы адам, башкъаларнынъ огюне чыкъып, Исагъа якъынлашты да, Оны опьмеге ынтылды.

Марк 14:43

‌Шу ань, Иса бу сёзлерни айткъанынен, он экиден бири Иуда пейда олды. Иуданен берабер къылыч ве таякъларнен силялангъан адамлар кельди. Оларны баш руханийлер, Къанун оджалары ве халкънынъ акъсакъаллары ёллагъан.

Матта 26:47

‌Шу ань, Иса даа бу сёзлерни айткъанынен, он экиден бири Иуда пейда олды. Иуданен берабер къылыч ве таякъларнен силялангъан чокъ адам кельди. Оларны баш руханийлер ве халкънынъ акъсакъаллары ёллагъан.

Матта 26:23

О исе, джевап къайтарып: – Меннен чанакъкъа къолундаки питесини батыргъан адам Мени сатаджакъ.

Икметли сёзлер 19:24

Тенбель ашкъа батыргъан къолуны агъзына къайтармагъа биле эринир.

Марк 14:19

Шегиртлер кедерленип: – Мен дегильдирим, я? – деп бирер-бирер сорап башладылар.

Марк 14:21

– Язылгъаны киби, Инсан Огълу кетеята. Лякин Инсан Огълуны саткъан адамгъа буюк беля оладжакъ! О адам догъмагъан олса, озю ичюн яхшыджа олур эди!