Марк 11:33 - Мукъаддес Китап

³³ Онынъ ичюн олар Исагъа: – Бильмеймиз, – дедилер. Иса оларгъа: – Мен де сизлерге буларны япмагъа насыл акъкъым олгъаныны айтмам, – деп джевап берди.

Марк 11:33 Referans Kwoze

2 Коринтлилерге 3:15

Шимдигедже, Мусанынъ китабыны окъугъан вакъытта орьтю оларнынъ юреклерини къапатып тура.

Римлилерге 1:28

Алланы акъылда тутмагъа бир шей саймагъанлары ичюн, Алла оларны бозукъ акъыл укюмине берди, ве олар разылыкъ олмагъан ишлерни япып башладылар.

Юхан 9:27

– Мен сизге энди айткъан эдим де, сиз динълемединъиз! Буны даа эшитмеге истейсиз? Я сиз де Онынъ шегиртлери олмагъа истейсизми? – деди о адам.

Юхан 3:10

Иса онъа джевап берип: – Сен Исраильнинъ оджасы олып, буны бильмейсинъми?

Матта 21:27

Олар Исагъа: – Бильмеймиз, – деп джевап бердилер. Иса оларгъа: – Мен де буларны япмагъа насыл акъкъым олгъаныны сизлерге айтмам, – деди.

Матта 16:4

Ярамай ве ороспу несиль бельги къыдыра, лякин Юнуснынъ бельгисинден гъайры оларгъа бельги берильмейджек, – деди ве оларны къалдырып кетти.

Матта 15:14

Оларны къалдырынъыз! Олар – сокъурларнынъ кёр етекчилеридир. Эгер сокъур сокъурны етеклеп юрсе, олар экиси де чукъургъа тюшип кетерлер, – деди.

Ешая 56:10

Къаравулларнынъ эписи кёр ве бильгисиз, оларнынъ эписи – тильсиз копеклер; авулдап оламай, тюш корип, яталар, юкъламагъа пек севелер.

Ешая 1:3

Огюз сабысыны, эшек эфендисининъ отлугъыны таный, Исраиль исе Мени танымай, халкъым Мени анъламай!

Эюп акъкъында китап 5:13

О, акъыллы адамларны оларнынъ айнеджилигинен тутып алыр, яланджыларнынъ планлары да бошуна олур.

Хошеа 4:6

Кереги къадар бильгиси олмагъан халкъым гъайып олур. Сен бильгини ред эткенинъ ичюн, Мен сени руханийлик этмектен ред этеджегим. Сен Алланънынъ Къануныны унуткъанынъ ичюн, Мен де сенинъ балаларынъны унутаджагъым.

Марк 11:32

“Адамлардан”, – десек исе…?» Амма олар халкътан къоркъа эдилер. Эписи адамлар Ягъяны пейгъамбер деп сая эдилер.

Марк 12:1

‌Иса халкъкъа кинаели икяелер айтып башлады: – Бир адам юзюм багъы сачып, этрафыны къоралады, юзюмни сыкъмакъ ичюн чукъур къазды, къаравулламакъ ичюн бир къулле къурды да, багъыны юзюмджилерге кирагъа берип, озю ёлгъа чыкъты.