Малакий 2:7 - Мукъаддес Китап

⁷ Руханий Ордулар РАББИсининъ хаберджиси олгъаны ичюн, онынъ дудакълары бильгини сакъламакъ керек, адамлар онынъ агъзындан къанун къыдырмакъ кереклер.

Малакий 2:7 Referans Kwoze

Левийлилер 10:11

Исраиль огъулларыны РАББИ Муса ярдымынен бильдирген эр бир низамнамелерге огретинъиз.

Къануннынъ текрары 21:5

Сонъ руханийлер олгъан Левийнинъ огъуллары якъынлашсынлар. Алланъ олгъан РАББИ Озюне хызмет этмек, Онынъ Адындан хайыр дувасыны окъумакъ ве эр бир тартышма ве уджюм давасыны чезмек ичюн оларны сайлагъан.

2 Коринтлилерге 5:20

Бойлеликнен, биз – Месихнинъ эльчилеримиз, бизим ярдымымызнен адамларны Алла чагъыра. Месихнинъ Адындан ялварамыз: Алланен барышынъыз!

1 Тессалоникелилерге 4:8

Шунынъ ичюн, буны къабул этмеген адам инсанны дегиль, сизге Мукъаддес Рухны берген Алланы ред эте.

Фаалиет 16:17

Павелнен эпимизнинъ артымыздан юрип: – Бу адамлар Юдже Алланынъ къулларыдыр, сизге къуртулыш ёлуны илян этелер, – деп багъыра эди.

Узеир 7:10

Узеир РАББИнинъ Къануныны огренмеге ве беджермеге, эм де бутюн Исраильде низамнамелерни ве къарарларны огретмеге джан-юрекнен берильди.

2 Тарих вакъиалары 30:22

Хизкия падиша РАББИге хызметлерини яхшы анълагъан левийлилерге яхшы сёзлер айтты. Еди кунь девамында байрам ашларыны ашадылар, аманлыкъ къурбанларыны чалдылар ве бабаларынынъ Алласы РАББИни макътадылар.

Юхан 20:21

Иса оларгъа кене: – Селям алейкум! Бабам Мени ёллагъан киби, Мен де сизни ойле ёллайым, – деди.

Юхан 13:20

Сизге керчектен догърусыны айтам: ким Мен ёллайджакъ адамны къабул этсе, Мени къабул эте. Мени къабул эткен исе Мени Ёллагъанны къабул эте.

Малакий 3:1

– Мына, Мен хаберджимни ёллайым. О, Меним огюмде ёлны азырлайджакъ. О вакъыт сиз къыдыргъан Рабби апансыздан Озь Сарайына келеджек. Сиз истеген васиет хаберджиси шимди келеята, – дей Ордуларнынъ РАББИси.

Хагъгъай 1:13

Сонъ РАББИ ёллагъан РАББИнинъ хаберджиси Хагъгъай халкъкъа шойле деди: – «Мен сизлернен!» – дей РАББИ.

Йирмея 18:18

Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Йирмея 15:19

Бунъа РАББИ бойле джевап берди: – Эгер тёвбе этсенъ, сени арткъа алып кетиреджегим, кене огюмде тураджакъсынъ. Бош шейлерден къыйметлисини айры этсенъ, Меним агъзым киби лаф этеджексинъ. Халкъ санъа келеджек, сен исе оларгъа кетмейджексинъ.

Ешая 44:26

Мен къулумнынъ сёзюни пекитем, эльчилеримнинъ айткъанларыны ерине кетирем, Ерусалимге: «Ичинъде адамлар яшайджакъ», Ехуда шеэрлерине: «Сизлер къуруладжакъсынъыз, йыкъыкъ ерлерни янъыдан тиклейджегим», – дейим.

Къануннынъ текрары 24:8

Сакъын, тери хасталыкълары пейда олгъанда, левийли руханийлер санъа огреткенлерининъ эписини яп. Мен оларгъа эмир эткенлеримни япынъыз.

Галатиядакилерге 4:14

Беден хасталыгъым сизлерге бир сынав олса да, сиз менден игренмединъиз, менден вазгечмединъиз, амма мени Алланынъ мелегини киби, Иса Месихни киби, къабул эттинъиз.

Ешая 42:19

Къулум къадар кёр олгъан бармы? Мен ёллагъан хаберджим къадар сагъыр олгъан бармы? Севгилим къадар кёр, РАББИнинъ къулу къадар кёр олгъан бармы?

Сайылар 27:21

О, руханий Элазарнынъ огюнде турсун ве Ур алетлери ярдымынен РАББИнинъ огюнде чыкъкъан къарар акъкъында сорасын. Онынъ сёзюне коре о ве Исраиль огъулларынынъ эписи, бутюн джемаат эр бир шейни башласынлар ве эр бир шейни битирсинлер.

1 Падишалар 2:17

РАББИнинъ огюнде Элий огъулларынынъ гуналары пек буюк олды, чюнки олар РАББИге кетирильген къурбанны урьмет этмей эдилер.

2 Тарих вакъиалары 31:4

Сонъ о, бойле буюрды: левийлилер ве руханийлер РАББИнинъ Къануныны яхшы беджерсин деп, Ерусалимде яшагъан халкъ оларгъа керекли шейлерни бермеге керек эдилер.

Узеир 7:25

Сен исе, Узеир, санъа Алладан берильген икметинъе коре, Алланынъ къануныны бильген эр бир адамны башлыкълар ве къадылар оларакъ къой, олар озеннинъ башкъа тарафындаки халкъны укюм этсинлер. Къанунны бильмегенлерни исе огретинъиз.

Икметли сёзлер 5:2

Сонъ сен ферасетни сакълап къалырсынъ, дудакъларынъ да бильгини сакълар.

Йирмея 2:8

Руханийлер РАББИни къыдырмадылар, Къанун оджалары Мени танымадылар, чобанлар Манъа къаршы чыкътылар, пейгъамберлер Баал адындан пейгъамберлик эте эдилер, файдасыз путларнынъ артындан юре эдилер.

Ехезкель 7:26

Беля артындан беля, ярамай хабер артындан ярамай хабер келеджек. Олар пейгъамберлерден руя истейджеклер, амма руханийлер къанунны огретмейджек, акъсакъаллар насиат бермейджек.

Даниял 11:33

Халкънынъ арасындаки акъыллы адамлар чокъусына акъыл огретеджек. Амма бир къач вакъыт ичинде оларны къылычнен ве атешнен ольдюреджек, эсир этеджек ве оларнынъ мал-мулькюни тартып аладжакълар.

Хошеа 4:6

Кереги къадар бильгиси олмагъан халкъым гъайып олур. Сен бильгини ред эткенинъ ичюн, Мен сени руханийлик этмектен ред этеджегим. Сен Алланънынъ Къануныны унуткъанынъ ичюн, Мен де сенинъ балаларынъны унутаджагъым.

Цефанья 3:4

Онынъ пейгъамберлери – тюшюнджесиз ве ишанчсыз адамлар. Руханийлери исе азиз шейлерни арамлай, Къанунны бозалар.

4 Падишалар 16:11

Урия, Ахаз Дамасктан ёллагъан ресим ве плангъа коре къурбан ерини ясады. Падиша Ахаз Дамасктан кельмезден эвель, руханий Урия эписини япты.

4 Падишалар 16:16

Руханий Урия падиша Ахазнынъ буюргъаныны япты.

Джемаат башы 5:5

Башынъа гуна тюшюрмесин деп, тилинъни тут, мелекнинъ огюнде де: «Мен янъылдым», – деме. Алла япкъан ишлеринъни дарма-дагъын этмесин деп, лафынънен Оны гъазапландырма.

Ехезкель 22:26

Мемлекетнинъ руханийлери Меним Къанунымны бозалар, Меним азиз шейлеримни арамлайлар, азиз ве азиз олмагъан шейлерни айырмайлар, элялнынъ арамдан фаркъыны косьтермейлер, афталыкъ раатлыкъ куньлеримден козьлерини чевирелер. Олар Мени урьмет этмейлер.

Зекерья 7:3

ве Ордуларнынъ РАББИси Эвинде хызмет эткен руханийлерден ве пейгъамберлерден: «Чокъ йыллар ичинде япкъаным киби, бешинджи айда да аштан-сувдан вазгечмеге ве агъламагъа бизге керекми?» – деп сорамагъа ёлладылар.